Majubul ma bikaat bi Bibel

Majubul ma bikaat bi Bibel

I bon ba bividéô bana, ba gwé biniigana bi nseñ; bi nti bés dinyo malép di bikaat bi Bibel. Béñge bividéô bini, inyu kônde nôgda line mu añ yoñ ni yigil yoñ i Bibel.

Majubul ma kaat Esra

Yéhôva a bi yônôs mbônga wé i héa litén jé i minkôm i Babilôn ni i timbis bañga bibégés i Yérusalem.

Majubul ma kaat Néhémia

Ini kaat Bibel le Néhémia i gwé biloñge bi biniigana inyu bañga bagwélél yosôna, i i niñ i len ini.

Majubul ma kaat Ester

Ñañ u mam ma ma bi tagbe i dilo di Ester u ga kônde tinde we i hémle le Yéhôva Djob a gwé toi ngui i sôñ litén jé ikété ngandak mandutu i len ini.

Majubul ma kaat Hiôb

Ba bobasôna ba ngwés Yéhôva ba ga kôhna manoodana. Ñañ u Hiôb u nti bés botñem le di nla tééda ndéñbe yés, ni le di nla nit énél i Yéhôva.

Majubul ma kaat Tjémbi

Kaat tjémbi i nit kahap i Yéhôva; i hôlga, i tinak bet ba ngwés Nyambe hogbe, ndi i ñunda ki lelaa nkoñ isi u ga héñha ni njel Ane.

Majubul ma kaat Bingéngén

Kôs maéba ma nlôl ni Nyambe inyu bebee le makas momasôna ma niñ yoñ—ibôdôl mam ma moni ikepam i mam ma mbéñge ndap lihaa.

Majubul ma kaat Ñañal

Kiñe Salômô a nyigye mam ma yé toi mahee i niñ, a ngwélél ki mo inyu boñ maselna ni mam ma nkolba pék i nlôl ni Djob.

Majubul ma kaat Hiémbi hi Salômô

Ba mpôdôl gwéha i ngond Sulam ini inyu mañge munlôm wada nu a yé ntééda mintômba kiki “lindômbôô li hié li Yéhôva.” Inyuki?

Majubul ma kaat Yésaya

Kaat Yésaya i yé kaat mbañ i nset bé i i nla lédés botñem yés i tehe Yéhôva kiki Nyônôs mimbônga nwé ni Djob nu sôñ.

Majubul ma kaat Yérémia

Yérémia a bi téñbe ni nson wé mpôdôl ikété ngolba ikeñi. Di soñda i ngii ndémbél yé, inyu yi lelaa i nla hôla Bikristen i len ini.

Majubul ma kaat i Minlént mi Yérémia

Yérémia nyen a bi tila kaat i. Kaat i Minlént mi Yérémia i ñañal njiiha i bé ngéda Yérusalem a bi kwo, i ñunda ki lelaa i tam mabe i nlona konangoo i Djob.

Majubul ma kaat Ezékiel

Ezékiel a bi gwel minson Djob a bi ti nye ni suhulnyuu, ni ñem ngui to ibale mi bé mi nlet. Ndémbél yé i yé bés nseñ i len ini.

Majubul ma kaat Daniel

Daniel ni mawanda mé, ba bi téñbe ni Yéhôva ngéda yosôna. Ndémbél yap ni biyônôl bi mbañ, bi nla bane bés nseñ munu masuk ma ngéda mana.

Majubul ma kaat Hôséa

Mbañ i Hôséa i gwé maéba ma niñ inyu yés i len ini inoñnaga ni konangoo i Yéhôva i pañ baboñ béba ba ba hiel miñem yak ni ntén bibégés a gwé ngôñ.

Majubul ma kaat Yôel

Yôel a bi legel le “ngwa u Yéhôva” u gwé ni moo, a yelel ki i yom di nlama boñ inyu pei. Mbañ yé i nlôôha ki ba mahee i len ini.

Majubul ma kaat Amôs

Yéhôva a bi gwélél mut suhulnyuu nunu inyu bôlô i mahee. Bimbe biniigana bi mahee di nla ôt mu hihéga hi Amôs?

Majubul ma kaat Ôbadia

I yé kaat i nlôôha titigi ikété Bitilna bi lôk Héber tole malômbla ma kwañ. Mbañ i, i nti botñem, i nit ki kahap i Yéhôva.

Majubul ma kaat Yôna

Mpôdôl a bi neebe bikodlene, a bi yônôs nson ba bi ti nye, a kôs ki biniigana inyu tibil nok gwéha ni konangoo i Djob. Ñañ u niñ yé u ga tihba miñem minan.

Majubul ma kaat Mika

Mbañ i, i nlédés botñem yés le Yéhôva a mbat ndik bés jam di nla boñ, ni li li gwééne bés nseñ.

Majubul ma kaat Nahum

Mbañ i nti bés botñem le hiki yom Yéhôva a mbôn bés, a nyônôs yo ni le a nti ba bobasôna ba nyéñ hogbe, nsañ, tohi, ni njel Ane yé.

Majubul ma kaat Habakuk

Di nla ba nkwoog nkaa le Yéhôva a ntibil yaga yi imbe ngéda ni imbe njel a nla sôñ litén jé.

Majubul ma Sôfônia

Inyuki di nlama tat bésbomede i hoñol le ngwa mbagi u Yéhôva u ga lo bé?

Majubul ma kaat Hagai

Mbañ i nyigye nseñ u yé i bii libégés Djob kiki jam li bisu ikété mam ma niñ yés momasôna.

Majubul ma kaat Sakaria

Ngandak biyiinda ni mbañ i bi lédés litén li Djob ngéda kwañ. I len ini, minlélém mi mbañ mi nkwés ki bés nkaa le Yéhôva a nit bés.

Majubul ma kaat Malaki

Mbañ i i mbambal matiñ ma Yéhôva ma ma nhéñha bé, i pôdlak ki gwéha ni konangoo bi Yéhôva. Mbañ i, i nti yak biniigana bi mahee inyu ngéda yés len.

Majubul ma kaat Matéô

Kon maséé i nigil mam ma bisu bisu ma ini kaat Bibel, miñañ minlam mi bisu ikété miñañ minlam mi-na mi Bitilna bi hop Grikia.

Majubul ma kaat Markô

miñañ minlam mi mi nlôôha kidik, ñañ u Markô u nti dinyo malép u énél i Yésu, nye kiki kiñe Ane Djob.

Majubul ma kaat Lukas

Limbe jam li tôbôtôbô kaat miñañ Lukas i gwé?

Majubul ma kaat Yôhanes

Kaat Yôhanes u ntibil éba gwéha i Yésu inyu bôt ba binam, suhulnyuu yé ni bikwo bi nkaa inyu libak jé li Mésia—Kiñe i Ane Djob i i nlo.

Majubul ma kaat Minson mi baôma

Bikristen bi hiai hi bisu bi bi sal ni ngui yosôna inyu yilha bôt banigil ikété matén momasô. Kaat i Bibel le Minson mi baôma i nla kéñbaha makénd més, i boñ ki bés le di nyamnda i nson likalô.