Baa ǹ n saa kɔ̃sa sɔɔ n na, baa sà n ko dãa sɔ̃ɔ bakasu sara n na, sa ra bɛsɛn mɛnnɔsu dewa kiri kiri. Baa mɛ wãara ka sɛ̃sia, gasɔ ka maa wasira te ba ra n mɔ sɔmburun sɔ̃, mban sɔ̃na Yehofan Seeda Dio ba ra n kookari mɔ̀ bu ka mɛnna ka ben naanɛ dokeo kpaasibu?

Mεnnɔ si, su ra bεsεn bwɛ̃ra dorasiewa. Gɔro Pɔlu u yorua: “su laakari kuana”, bɛsɛ ka be sa ra mɛnnɛ yigberu sɔɔwa u kanamɔ. (Heberu 10:24) Yori yi Pɔlu u loo kuan tubusiana “su bwisiku sɔɔ sãa sãa”, ya sɔ̃ɔsimɔ ma sa ko kasu su giana. Ǹ n mɛn na, gɔro win gari yi sun kanamɔ ma n weenɛ bɛsɛn kĩnasin gari yin sun nɛni kpa bɛsɛgii yi n maa wi nɛni. Ma sa kasu su giana ka bɛsɛn berusebu Kirisi sɔɔ, sa ko wa ma ben gaba wahala gaa kamia nge bɛsɛgia, ba koo maa sun somi bɛsɛn tii su ka ye kamia.

Mɛnnɔ si, su ra de su bɔrɔnu ni nu koo tɛ seku. Bɛsɛn mɛnnɔsu sɔɔ, bɛsɛn kĩnasi be sa ra ka mɛnnɛ sannu, ba sun sãawe bɔrɔ naanɛgibu, ba ǹ sãa be sa yɛ̃ tɔna. Sa ra maa yinnɛ, saa ka saa, su ka dwee bi bu Gusunɔ wɛ̃re ko sannu. Arufaani yirà yinna bin bwesera ra ka sun naawɛ? Bu ra sun dere su ka siarana, bu ra maa kĩi te sa mɔ̃ɔsinɛ dam sosi. Yen biru, sanam mɛ bɛsɛn naanɛ dokeosibu ba wahala gaa mɔ, sa ra n kpeerewa su ka be somiru kɛ̃, domi bɛsɛn bɔrɔ damgina sire. (Mɔnnu 17:17) Sà n ka bɛsɛn kĩnasibu kpuro mɛnnamɔ, sa sɔ̃ɔsimɔ ma bɛsɛn wasin “doo dooka baayere ya . . . yen yensian laakari mɔ̀.”—1 Korinti 12:25, 26.

Sa nun kanamɔ a bɔrɔba gɔsio be ba Gusunɔn kĩru mɔ̀n suunu sɔɔ. Yehofan Seeda Diobun miya kaa bɔrɔ ben bweseru wa. A ku de gãanu nu nun biru wurasia wunɛn wãasina ka bɛsɛ sɔɔ!

• Mban sɔ̃na bɛsɛn tii tiin arufaaniwa ma sa mɛnnamɔ sannu bɛsɛn mɛnnɔsu sɔɔ?

• Domma a kĩ a bɛsɛn yigbɛrun mɛnnɔsu na kpa a sun tubu a sosi?