Poda 8:1-36
8 Jou-jou do bisuk,
Jala dipagogo parbinotoan* do soarana.+
2 Jongjong do ibana di akka pussu ni dolok,+Di pinggir ni dalan, dohot di akka sippang.
3 Di jonok ni gerbang ni kota,Di akka pintuna,Sai jou-jou do ibana mandok,+
4 “Hujou do hamu ale akka jolma,Jou-jou do au tu hamu sude.*
5 Hamu akka na so marpengalaman, marsiajar ma asa malo.+Hamu akka na oto, marsitutu ma asa marbisuk rohamuna.
6 Tangihon ma, ai rikkot do na hudok on,Jala sittong do na huhatahon.
7 Ai na sittong do na dihusippon babakku,Jala magigi do bibirhu tu na jahat.
8 Sittong do sude hata na kaluar sian babakku.
Dang adong nanggo sada pe gabus manang na mangoto-otoi.
9 Tutu do i sude di akka halak na mamboto dia na sittong dohot dia na salaJala sittong do i di akka halak na mandapot parbinotoan.
10 Pillit ma na huajarhon, unang ma perak,Jala pillit ma parbinotoan, unang ma mas na dumenggan,+
11 Ai ummarga do bisuk sian koral,*Dang tarpatudos i tu manang aha pe na dihalomohon roham.
12 Au do bisuk, huboto do dia na sittong dohot na sala.Nungnga dapottu parbinotoan jala manat do au marpikkir.+
13 Biar mida Jahowa, i ma marsogo ni roha tu na jahat.+
Sogo do rohakku tu ginjang ni roha, tu na pasangappon dirina,+ tu na mangulahon na jahat, dohot tu pangoto-otoi.+
14 Adong do di au poda na denggan dohot bisuk,+Jala appunakku do parbinotoan+ dohot huaso.+
15 Alani au do toktong mamaretta akka raja,Jala dibahen akka pejabat tinggi hukum na sittong.+
16 Alani au do toktong mamaretta akka pamimpin,Jala tigor mangadili akka halak na sangap.
17 Huhaholongi do akka halak na makkaholongi au,Jala manang ise na mangalului au, sai na juppangna do au.+
18 Adong do di au hamoraon dohot hasangapon,Akka na sittong dohot hamoraon na martahan saleleng ni lelengna.
19 Dumenggan do parbuekku sian mas, gariada dumenggan sian mas murni,Jala dumenggan do na hulehon sian perak na dumenggan.+
20 Di dalan na tigor do au mardalan,Di tonga-tonga ni dalan na sittong.
21 Lehonokku ma hamoraon gabe parbagianan ni akka halak na makkaholongi au,Jala bahenokku do gok akka gudang ni nasida.
22 Au do parmulaan ni sude na ditoppa Jahowa,+Na parjolo sian sude na binahenna di tikki naung salpu.+
23 Nungnga adong au mulai sian najolo,+Mulai sian mulana, andorang so adong dope tano on.+
24 Nungnga dibahen au andorang so adong dope aek na bagas,+Andorang so adong dope mata mual na marbullak-bullak.
25 Nungnga dibahen au andorang so dibahen dope akka dolok,Andorang so adong dope dolok-dolok,
26 Andorang so dibahen Ibana dope tano on dohot akka ladangnaAndorang so adong dope orbuk na parjolo di tano on.
27 Disi do au tikki dipahembang Ibana langit,+Tikki dibahen Ibana batas ni langit dohot laut,+
28 Tikki dibahen Ibana ombun na di ginjang,Tikki dibahen Ibana mata mual di aek na bagas,
29 Tikki dibahen Ibana aturan tu lautAsa unang lewat aekna sian batas naung ditottuhon,+Tikki dibahen Ibana fondasi ni tano on,
30 Di labbungna do au gabe kepala tukkang.+
Au do na gabe hasianna+ ganup ari,Jala marlas ni roha do au di jolona ganup tikki.+
31 Las do rohakku ala dibahen Ibana tano on lao diingani,Jala tu jolma do na unlomo rohakku.
32 Ale anakku, tangihon ma hatakku,Marlas ni roha ma manang ise na mangihutton dalanku.
33 Tangihon ma molo diajar-ajari ho,+ asa marbisuk ho,Jala unang ma leas roham tusi.
34 Marlas ni roha ma halak na manangihon auNa tibu ro tu pintukku ganup ari,Na paima-imahon au di jonok ni pintu ni jabukku.
35 Ai manang ise na manjuppangi au, dapotna ma hangoluan,+Jala las ma roha ni Jahowa tu ibana.
36 Manang ise na so manjalo au, na parohon jea do ibana tu dirina,
Jala manang ise na marsogo ni roha tu au, na makkaholongi hamatean do i.”+
Surat na di toru
^ Manang “parbinotoan taringot dia na sittong dohot dia na sala”.
^ As. “tu sude anak ni jolma”.
