Psalmen 42:1-11
Tu pamimpin ni akka parende. Maskil* ni pinoppar ni si Kora.+
42 Songon rusa na masihol naeng manginum aek sian sunge,Songon i ma au masihol tu Ho ale Debatakku.
2 Masihol do au tu Ho ale Debata na mangolu, dos songon halak na mauas.+
Andigan do au boi ro tu jolom ale Debata?+
3 Ilukki nama na gabe sipanganokku arian nang borngin.Ganup ari do halak mangarehei au jala mandok, “Didia do Debatami?”+
4 Malala do rohakku molo huingot sudena on,Ai mardalan do au najolo rap dohot godang halak.Somal do au mardalan sian jolo ni nasida naeng lao tu jabu ni Debata,Rap do au dohot godang halak naeng mangulahon perayaan,+
Marende do hami marlas ni roha lao mandok mauliate.
5 Boasa ma marsak au?+
Boasa ma massai susa rohakku?
Paimaokku do Debata,+Ai toktong do pujiokku Sipalua au.+
6 Ale Debatakku, marsak do rohakku.+
Alani i ma huingot Ho,+Tikki di luat Jordan au, tikki di pussu ni Dolok Hermon,Jala tikki di Dolok Misar* au.
7 Alani aekmu na doras i,Gabe marsialus-alusan do akka galumbang.
Jala dos songon galumbangmi do sitaonokkon, na mambahen au lonong.+
8 Patuduon ni Jahowa ma holong ni rohana* tu au tikki arian.Marende ma au taringot Ibana tikki borngin, jala martangiang ma au tu Debata na mangalehon hangoluan tu au.+
9 Dohonokku ma tu Debata, dolok batukki,
“Boasa ma dilupahon Ho au?+
Boasa ma pola lungun rohakku alani sitaonon na dibahen musukku?”+
10 Kejam do akka musukku* jala sai direhei nasida do au,Ganup ari do nasida mangarehei au jala mandok, “Didia do Debatami?”+
11 Boasa ma marsak au?
Boasa ma massai susa rohakku?
Paimaokku do Debata,+Ai toktong do pujiokku Ibana, Ibana do Debatakku jala Sipalua au.+
Surat na di toru
^ Manang “dolok na gelleng”.
^ Manang boi do “Hira na diropukkon akka musukku do holi-holikku”.
