Tikki dohot piga-piga remaja bawa tu karya wisata na dibahen sikkola ni nasida, ditudu do nasida mangulahon kekerasan seksual tu sahalak murid bawa na asing. Hape sikkola na jago do sikkola ni nasida i di Kanada. Dung kejadian i, disurat si Leonard Stern ma di surat kabar Ottawa Citizen, “Nang pe malo sasahalak, timbo sikkolana jala mamora, dang otomatis gabe denggan pangalahona alani i.”

Didok si Stern muse, “Pasti setuju do hita, pendidikan moral do na paling penting diajarhon natua-tua tu gellengna asa diboto nasida dia na sittong dohot na sala. Alai molo natua-tua saonari, uppetting do di nasida prestasi di sikkola manang karejo na bergengsi.”

Memang, penting do pendidikan sian sikkola. Alai dang pittor boi sasahalak mambolokkon keinginanna na sala holan ala na jago sikkolana. Jadi adong do pendidikan na boi mangalehon bimbingan moral na denggan?

Songon sada kaca do Bibel i. Molo taparsiajari isina, boi ma taboto aha do hahuranganta. (Jakobus 1:23-25) Alai dang holan i, boi do Bibel mangurupi hita lao muba. Jala boi do i mangurupi hita patuduhon akka sifat na boi mambahen hita mardame dohot na asing. Misalna songon sifat sabar, burju, pangalaho na denggan, boi mangarajai diri, dohot holong. Bibel pe mandok, “Holong ni roha do na boi mambahen jolma marsada.” (Kolosse 3:14) Boasa penting sifat holong i? Parrohahon ma aha na didok Bibel taringot holong.

• “Halak na marholong ni roha i sabar, burju, dang marlate ni roha, dang marhata manggang, dang marginjang ni roha, sopan, dang holan dirina sandiri na dipikkirhon, dang parmuruk, jala dang dipaingot-ingot holong i hasalaan ni halak. Dang las rohana tu ulaon na so sittong, alai las do rohana tu akka ulaon na sittong. Tahan manaon sude hasusaan, . . .  jala togu do haporseaonna tikki mangadopi manang aha pe. Dang na olo salpu holong ni roha i.”​—1 Korint 13:4-8.

• “Molo holong roha ni sasahalak tu donganna, dang ulahononna na jahat tu donganna i.”​—Rom 13:10.

• “Na urrikkot sian saluhutna, marsitutu ma hamu marsihaholongan. Ai halak na marholong ni roha, rade do manalpuhon hasalaan.”​—1 Petrus 4:8.

Songon dia ma perasaanmuna tikki rap dohot halak na makkaholongi hamu? Pasti tenang jala aman do perasaanmuna kan? Pasti pos do rohamuna dang bahenonna na haccit tu hamu. Alana, lomo do rohana asa bahagia hamu.

Alani holong ni roha, boi do sasahalak mambahen pengorbanan manang mambahen perubahan. Contohna, adong sahalak bawa na margoar si George. Baru tubu do pahoppuna na parjolo jala lomo do rohana sering-sering mangida pahoppuna i. Alai gogo do ibana marisap, gabe diorai parumaenna ma ibana marisap di labbung ni pahoppuna. Jadi aha ma na diulahon si George? Nang pe nungnga 50 taon ibana marisap, alai olo do ibana pasohon i asa boi sering mangida pahoppuna. On ma jago ni holong ni roha i!

 Dang otomatis sasahalak boi patuduhon holong ni roha. Ikkon diajari natua-tua do gellengna asa boi patuduhon holong. Carana, dijaga nasida do gellengna jala dilehon kebutuhanna. Diurupi nasida do gellengna tikki marsahit manang tikki adong na lukka. Natua-tua na burju pasti sering makkata-hatai jala mangajari gellengna. Dipissang nasida do tong gellengna molo porlu. Jala diajari nasida do gellengna mamboto dia na sittong dohot na sala. Asing ni i, gabe sitiruon do natua-tua na burju tu gelleng ni nasida.

Alai adong do natua-tua na so mangulahon tanggung jawab ni nasida. Nang pe songon i, belum tentu gabe halak na bermasalah gelleng ni nasida molo nungnga dewasa. Alana godang do halak na boi muba gabe lam denggan ngoluna dang soal songon dia latar belakang ni nasida. Gabe anggota masyarakat na burju do nasida jala bertanggung jawab. Lao tabahas ma dua pengalaman taringot i di halaman berikutna.