Balga do pengaruh ni keadaan ni portibi na sursar on tu perasaan dohot pikkiran ni akka halak. Godang do halak na ujungna gabe mandele. Aha ma akibatna?

• Adong halak na gabe malas mamikkirhon masa depan.

• Adong do na gabe mabuk-mabuk manang marnarkoba.

• Adong do muse na sappe naeng bunuh diri.

• Sude masalah na tahadapi holan sementara do i jala boi do muba situasi gabe lam denggan.

• Nang pe dang muba dope situasitta, sai adong dope na boi taulahon lao menghadapi masalahta.

• Boi do pos rohatta tu janji ni Debata taringot masa depan na dipaboa di Bibel.

Na didok Bibel, “Unang ma holsoan hamu lao mamikkiri taringot ari sogot. Ai asing do na taholsohon sadari on dohot di ari sogot. Ganup ari adong be do hasusaanna.”​—Mateus 6:34.

Unang ma hita paholsohu mamikkirhon na so terjadi dope. Alana molo holan tusi pikkiranta, boi do gabe dang semangat be hita mangulahon na ikkon taulahon saonari.

Molo torus negatif pikkiranta taringot na so terjadi dope, justru boi do gabe tamba stres hita jala gabe moru ma pos ni rohatta tu janji ni Debata taringot masa depan.

Songon on ma na didok sahalak panurat psalmen di tangiangna, “Dos songon lampu do hatam na manogu-nogu pattu, jala na mambahen tiur dalanku.” (Psalmen 119:105) Taparrohahon ma aha lapatan ni i:

Molo mardalan hita tikki borngin, porlu do adong lampu manang senter asa boi taida dalanta. Dos songon i ma, boi do nasehat na sian Bibel mangurupi hita tikki naeng mambahen keputusan.

Asing ni i, boi do lampu manang senter mangurupi hita mangida na di jolotta. Dos songon i ma, boi do Bibel mangurupi hita mamboto aha na lao terjadi di masa depan.