Molo diargai suami manang istri do dongan saripena, gabe toktong ma nasida masihaholongan nang pe tikki dang sapandapot. Bukku Ten Lessons to Transform Your Marriage mandok, “Dang boi dipaksahon suami manang istri pandanganna sandiri alai ikkon denggan do i dihatai nasida. Ikkon denggan do ditangihon pandapot ni dongan saripena. Jala dilului nasida do jalan keluar na boi mambahen las roha ni nasida na dua.”

NA DIDOK BIBEL: “Halak na marholong ni roha . . . dang holan dirina sandiri na dipikkirhon.”​—1 Korint 13:4, 5.

“Huargai do istrikku jala massai penting do ibana di au. Dang hubahen manang aha pe na mambahen haccit rohana manang na mambahen gabe sega perkawinannami.”​—Si Micah.

Molo dang diargai suami manang istri dongan saripena, olo do gabe dikritik, didok hata na kasar manang gabe diissaki dongan saripena. Menurut penelitian, molo masa sisongon i, on patuduhon dang na lao boi bertahan perkawinan i.

“Molo tasindir manang tadok hata na kasar jala taissaki istritta, olo do gabe didok rohana dang arga be dirina jala gabe dang porsea be ibana tu hita. Molo tabahen songon i gabe hancur ma perkawinanta.”—Si Brian.

PIKKIRHON MA ON

Saleleng saminggu parrohahon ma akka hata naung didok hamu dohot akka na diulahon hamu. Dung i, pikkirhon ma on:

• ‘Sadia jotjot do hukritik dongan saripekku jala sadia jotjot do ibana hupuji?’

• ‘Aha do cara na boi hubahen lao patuduhon na huargai dongan saripekku?’

DENGGAN MA ON HATAI HAMU

• Paboa ma tu dongan saripemuna hata na songon dia jala tindakan na songon dia do na patuduhon na diargai hamu?

• Paboa ma tu dongan saripemuna hata na songon dia jala tindakan na songon dia do na patuduhon na so diargai hamu?

CARANA

• Surat ma tolu cara songon dia lomo ni rohamuna na patuduhon diargai hamu. Pangido ma dongan saripemuna mangulahon na sarupa. Dung i, tukkar ma tu dongan saripemuna na disuratmuna i. Jala berupaya ma hamu mangulahon na adong di daftar i.

• Surat ma aha do sifat ni dongan saripemuna na dihalomohon rohamuna. Dung i, paboa ma tu ibana na diargai hamu do akka sifatna i.

“Patuduhon na huargai suamikku tarida do i sian tindakanku lao mambahen las rohana. Dang ikkon na luar biasa na huhatai manang hubahen lao patuduhon na huargai ibana.”​—Si Megan.

Intina, dang hamu na makkilala naung diargai hamu dongan saripemuna alai dihilala dongan saripemuna i do na diargai hamu ibana?

NA DIDOK BIBEL: “Patuduhon hamu ma holong ni roha, haburjuon, toruk ni roha, lambok ni roha, jala sabar.”​—Kolosse 3:12.