“Nungnga lobi sian 39 taon au dohot si Sophia * menikah. Alai saleleng menikah hami, leleng do ibana marsahit jala ujungna mate. Sai dihibur akka donganku do au jala berupaya do au asa toktong sibuk. Alai saleleng sataon, marsak hian dope rohakku. Jotjot do muba-uba perasaanku. Olo do las rohakku, alai olo do toppu lungun. Nungnga tolu taon dung mate si Sophia, alai sipata olo dope haccit pakkilalaanku.”​—Si Kostas.

Hea do adong mate halak na dihaholongi hamu? Molo hea, boi ma dihilala hamu songon dia perasaan ni si Kostas. Tikki mate dongan saripemuna, keluargamuna manang donganmuna boi do mambahen hamuna gabe marsak, manang massai lungun rohamuna. Jala setuju do akka ahli na meneliti songon dia perasaan ni halak na berduka tu hatorangan on. Sada topik sian The American Journal of Psychiatry mandok, “Molo mate halak na dihaholongi boi do mambahen roha ni sasahalak massai lungun situtu jala olo do seumur hidup i dihilala ibana.” Tikki songon i tahilala, olo do gabe sukkun-sukkun rohatta, ‘Sahat tu andigan do songon on huhilala? Boi dope au muse marlas ni roha? Aha do na boi mambahen au asa terhibur?’

Akka sukkun-sukkun on, lao dibahas do di majalah Dungo ma! on. Di halaman na selanjutna, dipaboa do akka aha na dihilala akka halak na berduka. Di halaman na asing, dipaboa do muse akka aha do na boi mangurupi hamu asa unang sai marlungun ni roha.

Harap do rohanami, majalah on boi menghibur jala mangurupi akka halak na marlungun ni roha ala mate halak na dihaholongi.