Dang na Lao Adong be Sogo ni Roha!
Nang pe boi tabolokkon sogo ni rohatta, alai dang boi hita mangatur sikap dohot pangalaho ni halak. Sering do halak na so marsala gabe korban sogo ni roha. Jadi, memang boi do dang adong be sogo ni roha di ari na naeng ro?
Holan Debata Jahowa do na boi mambahen dang adong be sogo ni roha. On ma na lao diulahon Debata songon na dipaboa di Bibel.—Poda 20:22.
DANG ADONG BE NA MAMBAHEN SOGO NI ROHA
-
1. SIBOLIS. Sian Sibolis do mula ni sogo ni roha. Alai satokkin nai, pamateon ni Debata ma Sibolis dohot akka halak na mangihutton ibana.—Psalmen 37:38; Rom 16:20.
-
2. AKKA SISTEM NA DI PORTIBI ON. Lao dihancurhon Debata nama sude sistem na jahat di portibi on. Termasuk ma i pamimpin politik na korupsi dohot akka pamimpin agama na manjujui halak asa marsogo ni roha. Songon i nang sistem perdagangan na tamak, na korupsi, jala na mambahen susa halak na asing.—2 Petrus 3:13.
-
3. DOSA NI JOLMA. Songon na didok Bibel, sude do jolma mardosa jala dang sempurna be. Alani i, gabe sala do cara marpikkir, perasaan, dohot na diulahon nasida. (Rom 5:12) Alani i ma adong sogo ni roha. Alai satokkin nai bahenon ni Debata ma jolma gabe sempurna jala dang adong be sogo ni roha saleleng ni lelengna.—Jesaya 54:13.
DANG ADONG BE SOGO NI ROHA SATOKKIN NAI
-
1. DANG ADONG BE NA MENGALAMI KETIDAKADILAN. Holan Harajaon ni Debata nama na mamaretta di portibi on. Sian surgo do Harajaon i mamaretta saleleng ni lelengna. (Daniel 2:44) Molo nga mamaretta Harajaon i tu tano on dang adong be na marpikkiran negatif, sude halak saling menghargai, jala dang adong be ketidakadilan.—Lukas 18:7.
-
2. SUDE JOLMA MAKKILALA HADAMEON. Dang adong be halak na susa alani porang manang kekerasan. (Psalmen 46:9) Aman ma di saluhut tano on jala holan akka na marroha na dame nama disi.—Psalmen 72:7.
-
3. MARLAS NI ROHA MA SUDE JOLMA. Marsihaholongan ma sude halak. (Mateus 22:39) Dang adong be na marsak alani cara marpikkir na sala manang alani kenangan na buruk. (Jesaya 65:17) Dang adong be halak na marsogo ni roha jala ‘marlas ni roha situtu ma hita, ai dame do ngolutta’.—Psalmen 37:11.
Lomo do rohamuna songon i keadaan ni portibi on? Haru saonari pe, godang do halak naung boi mambolokkon sogo ni rohana ala mangihutton nasehat na sian Bibel. (Psalmen 37:8) I ma na dihilala marjuta Saksi Jahowa di liat portibi on. Nang pe marragam latar belakang dohot kebudayaan ni nasida, marsada do nasida jala marsihaholongan songon sada keluarga.—Jesaya 2:2-4.
Lomo do roha ni Saksi Jahowa paboahon na diparsiajari nasida tu hamu. Termasuk ma i boha carana menghadapi ketidakadilan dohot boha carana asa unang tabeda-bedahon halak. Molo marsiajar Bibel hamu dohot nasida, boi ma annon hamu mambolokkon sogo ni rohamuna. Boi ma annon diboto hamu boha carana patuduhon holong ni roha tu sude jolma, termasuk ma i tu halak na marsogo ni roha tu hamu. Manfaatna, gabe marlas ni roha ma hamu jala denggan ma hubunganmuna tu halak na asing. Jala na paling penting, gabe boi ma diboto hamu boha carana asa boi hamu gabe rakyat ni Harajaon ni Debata. Dang adong be sogo ni roha molo nga mamaretta Harajaon i.—Psalmen 37:29.
Mungkin Lomo do Rohamuna Mamboto
JOUJOU PABOAHON
Aha do na Lao Ulahonon ni Harajaon ni Debata?
Diboto Jesus do holan Harajaon ni Debata do na boi pasaehon hasusaan na adong di tano on. Aha do naung diulahon Harajaon i na boi paposhon rohatta?
ALUS NI BIBEL
Sian dia Boi Huboto na Adong Harapan di Masa Depan?
Hata ni Debata boi do mambahen denggan ngolumuna saonari jala paboahon harapan di masa depan.
TOPIK NA ASING NA MENARIK
Tutu do Boi Terjadi Keadilan di Portibi on?
Bibel patuduhon torus do adil ulaon ni Debata, alana arga do ngolu ni setiap jolma di Ibana.
DUNGO MA!
Mambeda-bedahon Halak—Solusina
Adong opat cara na lao diulahon Harajaon ni Debata asa unang adong na mambeda-bedahon halak be.
