Toktong Martangiang Asa Dapot Pahala
Tangiang, silehon-lehon ni Debata do i. Boi do hita makkatai tu Ibana lao paboahon na di rohatta. Tangiang ni nabi Daud, “Ale sitangihon tangiang! Tu Ho do ro nasa sibuk.” (Psalmen 65:3) Boha do carana asa dibege tangiangta jala dilean pahala tu hita?
MARTANGIANG SIAN NASA ROHA DOHOT SEREP NI ROHA
Tikki martangiang hamu, “usehon hamu ma rohamuna tu jolona” lao pasahatton aha na di rohanamuna. (Psalmen 62:9) Diargai Debata do tangiang na sian ias ni roha.
TIKKI MARTANGIANG JOU GOARNA
Godang do panjouon tu Debata, contohna Panoppa, Parasiroha, dohot Parholong. Alai holan sada do goar ni Debata. “Ahu do Jahowa, i ma goarhu!” (Jesaya 42:8) Di Kitab Suci hira-hira 7.000 hali ma goar ni Jahowa disurat. Godang do nabi na manjou goar ni Debata tikki martangiang. Songon nabi Ibrahim mandok, “Ale Jahowa, ulahanku dope hatangku.” (1 Musa 18:30, Bibel siganup ari) Jadi, hita pe tikki martangiang tajou ma goar ni Debata, i ma Jahowa.
PAKKE BAHASAMUNA TIKKI MARTANGIANG
Bahasa aha pe na dipakke hamu tikki martangiang diattusi Debata do. Diboto Ibana do pikkiran dohot pakkilalaanmuna. Kitab Suci mandok, “Na so marimbar jolma di jolo ni Debata. Alai dihalomohon Debata do ganup halak na mangkabiari Ibana jala na mangulahon na sintong, sian bangso na dia pe nasida.”—Ulaon ni Apostel 10:34, 35.
Dang sae holan martangiang asa dapot pahala sian Debata. Aha na ikkon tabahen? Taparsiajari ma muse.
Mungkin Lomo do Rohamuna Mamboto
SUKKUN-SUKKUN NI AKKA NA POSO
Adong do Gunana Martangiang
Holan mambahen hita asa tenang do tangiang i, manang adong dope manfaatna na asing?
TARINGOT HAMI
Ro tu Parpunguan
Lului ma hatorangan taringot parpunguannami. Lului ma alamat na unjonok tu ingananmuna.
