DI JAMAN ni Bibel najolo, biasana keluarga ni pengantin bawa mangalehon sinamot tu keluarga ni pengantin borua. Boi do i berupa barang, binatang, manang hepeng. Olo do sipata dipangido keluarga pengantin borua asa karejo pengantin bawa i tu nasida saleleng piga-piga taon gatti ni sinamotna. Misalna si Jakkob. Olo do ibana karejo mangurupi bapak ni si Rahel saleleng pitu taon asa boi ibana menikah tu si Rahel. (1 Mus. 29:17, 18, 20) Aha do tujuanna dibahen pengaturan songon i?

Sahalak pakar ni Bibel na margoar si Carol Meyers mandok, “Sinamot i biasana manggattihon gogo ni borua i. Alana molo nga menikah ibana, dang boi be ibana karejo di ladang ni keluarga ni bapakna.” Sinamot pe boi mambahen lam denggan hubungan ni pihak bawa dohot pihak boru-boru. Jadi tikki masa pe hasusaan, gabe marsiurupan ma nasida. Dung i sinamot pe gabe bukti naung martunangan sahalak borua tu sahalak bawa. Jadi saonari na martanggung jawab tu borua i, dang be bapakna alai calon suamina i nama.

Sinamot dang patuduhon na boi do sahalak borua digadis manang dituhor. Bukku Ancient Israel​—Its Life and Institutions mandok, “Kewajiban lao mangalehon hepeng manang arta tu keluarga ni borua, bisa jadi hira bentuk pembelian. Alai sasittongna sinamot bentuk penghargaan tu keluarga ni borua do, dang arga ni sahalak borua.”

Saonari pe di piga-piga negara adong do na mangihutton kebiasaan mangalehon sinamot. Alai ikkon masuk akkal jala “marbisuk” do natua-tua Kristen tikki manottuhon sinamot. Unang ma dipangido nasida sinamot na timbo. (Plp. 4:5; 1 Kor. 10:32, 33) Molo masuk akkal do nasida, on patuduhon dang tamak nasida manang dang “holongan di hepeng”. (2 Tim. 3:2) Alana molo patimbohu dipangido sinamotna, gabe ditunda calon suamina i ma annon pernikahan ni nasida. Manang gabe ditinggalhon calon suamina i ma dinas sepenuh waktuna, asa boi karejo lao mambayar sinamot na timbo i.

Di piga-piga negara, adong do peraturan na dibahen pamaretta taringot mangalehon sinamot. Molo di inganan sisongon i hamu tinggal, halak Kristen ikkon mangihutton peraturan i. Boasa? Alana dipaboa do di Bibel, halak Kristen ‘ikkon unduk tu pamaretta’. Jala ikkon dioloi nasida do i molo dang maralo tu patik ni Debata.​—Rom 13:1; Ul. 5:29.