Didok di Bibel, sude do jolma mardosa. Alana nungnga mardosa omputta na parjolo, i ma si Adam. Alani i ma, olo do sipata taulahon na sala jala tasolsoli na taulahon i. Alai boi do diampuni Jahowa hasalaatta i, alana nungnga diparade Jesus tobusan marhite hamateanna. Hadiah sian Debata do i.​—Jaha Rom 3:23, 24.

Adong do halak na ragu, olo do Debata mengampuni nasida ala hea diulahon nasida dosa na balga. Alai pasti las do rohatta mamboto Hata ni Debata na mandok, “Ias ma hita sian sude dosa dibahen mudar ni Jesus, Anakna i.” (1 Johannes 1:7) Rade do Jahowa mengampuni dosatta, nang pe balga dosatta i, asal ma olo hita muba sian ias ni rohatta.​—Jaha Jesaya 1:18.

Asa diampuni Jahowa do dosatta, ikkon taparsiajari do taringot Ibana. Taihutton ma pikkiranna, podana, dohot lomo ni rohana. (Johannes 17:3) Molo taakkui hasalaatta jala berusaha hita asa muba, diampuni Jahowa do hita.​—Jaha Ulaon ni Apostel 3:19.

Boi do hita mambahen las roha ni Debata. Alana diboto Jahowa do hita jolma na gale. Asi do rohana tu hita jala dihaholongi Ibana do hita. Attong lomo do rohamuna mamboto boha carana palashon roha ni Debata?​—Jaha Psalmen 103:13, 14.