Punguan na Mangaradoti Organisasi, i ma punguan sian piga-piga halak Kristen na togu partondionna. Nasida mangalehon tudu-tudu tu sude Saksi Jahowa di liat portibi on. Adong dua tugas ni nasida na rumikkot:

•   Mangaradoti taringot paradehon tudu-tudu sian Bibel na adong di sijahaon, parpunguan, dohot sikkola tu Saksi Jahowa.—Lukas 12:42.

•   Mangaradoti ulaon ni Saksi Jahowa di liat portibi on, umpamana taringot ulaon marbarita na uli jala taringot tudia akka sumbangan dipakke.

 Punguan na Mangaradoti Organisasi mangihuthon sitiruon sian “angka apostel dohot angka pangituai” di Jerusalem di abad na parjolo, na mambahen akka haputusan na rikkot tu sude huria Kristen. (Ulaon ni Apostel 15:2) Songon akka apostel i, dang anggota ni Punguan on na manguluhon organisasinami. Diboto nasida do sian Bibel molo Debata nungnga mamillit Jesus Kristus gabe ulu ni huria Kristen.—1 Korint 11:3; Epesus 5:23.

 Sian bulan Januari 2018, anggota ni Punguan on, i ma Kenneth Cook, Jr., Gage Fleegle, Samuel Herd, Geoffrey Jackson, Jody Jedele, Stephen Lett, Gerrit Lösch, Jacob Rumph, Mark Sanderson, David Splane dohot Jeffrey Winder. Nasida mangulahon ulaonna di kantor pusat nami di Warwick, New York, AS.

 Punguan na Mangaradoti Organisasi nungnga mambahen onom panitia lao mangaradoti piga-piga ulaon, jala ganup anggota mandapot tugas di sada panitia manang lobi.

•   Panitia Koordinator: Na mangaradoti situasi molo adong parsoalan, molo adong mara, molo adong pangarupaon [penganiayaan] na diadopi akka Saksi alani haporseaon ni nasida, jala mangaradoti tikki adong na toppu masa tu Saksi Jahowa.

•   Panitia Personalia: Na mangaradoti pengaturan na dibahen tu anggota keluarga Betel.

•   Panitia Penerbitan: Na mangaradoti taringot pabinsarhon dohot mangirim sijahaon na marojahan sian Bibel, pajongjokkon inganan parpunguan, kantor penerjemahan, dohot kantor cabang.

•   Panitia Dinas: Na mangaradoti ulaon pasahathon “barita na uli . . . taringot tu Harajaon.”—Mateus 24:14.

•   Panitia Pengajaran: Na mangalehon tudu-tudu taringot paradehon bahan na marojahan sian Bibel na lao dipasahat di parpunguan, sikkola, dohot program audio manang video.

•   Panitia Penulisan: Na mangalehon tudu-tudu taringot paradehon bahan na marojahan sian Bibel na lao dipabinsar jala diparade di situs Web, dohot mangaradoti ulaon taringot penerjemahan.

 Asing ni i, Punguan na Mangaradoti Organisasi marrapot ganup minggu lao makkatai taringot aha na dihaporluhon organisasi. Tikki marrapot nasida, dilului nasida do tudu-tudu sian Bibel jala mangihutton panogu-noguon ni Tondi Parbadia, asa boi nasida saroha dohot sapikkiran lao mambahen haputusan.—Ulaon ni Apostel 15:25.

 Nasida halak Kristen na boi dihaporseai jala boi mangurupi panitia na dibahen Punguan on. (1 Korint 4:2) Adong do pengalaman dohot haboion ni nasida lao mangurupi sada panitia, jala dohot do nasida marrapot ganup minggu. Nang pe nasida dang dohot mambahen haputusan, boi do nasida mangalehon pandapot dohot hatorangan na dihaporluhon, mangulahon haputusan naung dibahen panitia, jala mangaradoti hasil dohot hamajuan sian haputusan naung dibahen. Punguan on pe boi manuru nasida lao manjuppangi akka dongatta di piga-piga negara manang pasahatton bagianna di acara pertemuan tahunan dohot wisuda Sikkola Gilead.