Jue Mun 104:1-35
104 Ń mánmán Zoova.+
Ee, min Ɲanmiɛn Zoova, a ti dan-o!+
Aɲrunɲan’n nin klanman’n be wla ɔ wun kɛ tralɛ sa.+
2 Kpajalɛ’n kata ɔ wun+ kɛ kondro sa,a trɛ ɲanmiɛn m’ɔ la nglo lɔ plaii’n nun kɛ tanninsua sa.+
3 Ɔ fa i nglo sua ba’m be waka mun siesie i nzue nga be o nglo lɔ’n be nun,+ɔ fa ɲanmiɛn ble’n yo i kakaklolo,+ɔ o aunmuan’n i ndɛwa’m be su yɛ ɔ kɔ-ɔ.+
4 Ɔ yoli maan i anzi’m be le fanngan kpa,*
i junman difuɛ’m be kacili kɛ sin dan wie sa.+
5 Ɔ wlali asiɛ’n i bo asekekle kpa,+ɔ su tumɛn i bo i osu’nnun le.+
6 Ɔ fali nzue mɔ be bo ti kploun’n fa kɛtɛli i wun kɛ kondro sa.+
Nzue’m be kali oka’m be ti su nglo.
7 Kɛ a tuli be fɔ’n be wanndili.+
Kɛ ɔ angblannan’n tɛli’n be bo sanndili.
8 (Oka’m be fuli nglo+ yɛ kongo’m be jrali.)
Be ɔli lika nga a sie mannin be’n be nun.
9 A kleli be awɛ m’ɔ fataman kɛ be tu trɛ i’n,+Naan b’a saman be sin b’a kataman asiɛ’n su ekun.
10 Ɔ sunman nzue ti mun kongo’m be nun,be sonji oka’m be afiɛn.
11 Be ti’n, blo nnɛn’m be kwlaa be ɲan nzue be nɔn,kɛ nzuewe kun blo aflunmun mun’n benɔn wie.
12 Anunman mɔ be tu sin nglo lɔ’n be o i ti su nglo,be to jue nɲa’m be afiɛn.
13 Kɛ ɔ o i sua ba mɔ be o nglo lɔ’n be nun’n, ɔ gua oka’m be su nzue.+
Ɔ sa nuan ninnge’m b’a yi asiɛ’n.+
14 Ɔ yo maan ijre’n fifi naan nannin’m be di,yɛ nɲanɲa’m be fifi naan klɔ sran’m be fa yo be wun sa ye,+naan be ɲan aliɛ asiɛ’n su,
15 Kpɛkun be ɲan duvɛn m’ɔ man aklunjɔɛ’n,+ɔ nin ngo m’ɔ yo be ɲrun’n mlanmlan’n,ɔ nin kpanwun m’ɔ man klɔ sran’n i aklunjɔɛ’n.+
16 Zoova i waka’m be ku yi.
Liban lɔ sɛdri waka m’ɔ tali be’n be ku yi.
17 Be nun yɛ anunman’m be yo be sua mun-ɔn.
Anunman ɔngɔ’n i sua’n+ wo zenevrie waka’mbe nun.
18 Oka fleiin’m be ti blo boli nga be o oka’m be su’nbe liɛ,+yɛ yɔbuɛyɔbuɛ lika’m be ti oya’m be fiawlɛ.+
19 Ɔ yili anglo ba’n naan ɔ́ fá síe blɛ ng’ɔ sieli be’n be nzɔliɛ.
Wia’n si blɛ ng’ɔ fata kɛ ɔ tɔ’n.+
20 Ɔ fa aosin’n ba, yɛ lika’n san.+
Kɛ ɔ ko yo sɔ’n, nn blo nnɛn nga be o bo’n nun lɔ’n be kwlaa be su wlanwlan.
21 Asɔmɔli gbanflɛn’m* be kpan kunndɛ nnɛn,+yɛ be srɛ be aliɛ’n Ɲanmiɛn sa nun.+
22 Kɛ wia’n fite’n,be cuɛn be wun, yɛ be ko la be lawlɛ’m be nun.
23 Klɔ sran’m be kɔ be junman’m be su,yɛ be di junman lele nnɔsua.
24 Ee Zoova, ninnge nga a yoli be’n be sɔnnin-o!+
A yoli be kwlaa ngwlɛlɛ su.+
Ɔ sa nuan ninnge’m b’a yi asiɛ’n piɛ.
25 I wie yɛle jenvie m’ɔ ti dan’n, m’ɔ la plaii’n,be dimɛn i nun ninnge nga nguan o be nun’n be yalɛ, wie’m be ti kanngan, yɛ wie’m be ti dandan.+
26 Mmeli’m be sinsin su,yɛ Leviatan*+ mɔ a yili i kɛ ɔ kan nun ngowa’n, ɔ wlan sin nun.
27 Be kwlaa be ɲin ta ɔ ɲrun,naan a man be aliɛ blɛ ng’ɔ ti su’n i nun.+
28 Ninnge nga a fa man be’n, be tiɛn i nuan.+
Kɛ a trɛ ɔ sa’n nun’n, be ɲan ninnge kpakpa mun, ɔ maan be klun jɔ.+
29 Kɛ a fa ɔ ɲrun’n fia’n, be akunndan’n sanngan.
Kɛ a yi wunmiɛn ng’ɔ o be nun’n, be wu yɛ be sa be sin be kaci fa.+
30 Sɛ a sunman ɔ wawɛ’n, be ɲan nguan,+yɛ a bo asiɛ’n i mɔnnɛn ekun.
31 Zoova i aɲrunɲan’n ɔ́ ká lɛ tititi.
Zoova dí ninnge ng’ɔ yo be’n be su aklunjɔɛ.+
32 Kɛ ɔ nian asiɛ’n, asiɛ’n keje.
Kɛ ɔ kan oka mun’n, wunsrɛn fin be nun fite.+
33 Ń tó jue ń mánmán Zoova+ min nguan blɛ’n kwlaa nun,kɛ n te o nguan nun’n, ń tó jue* ń mánmán min Ɲanmiɛn’n.+
34 Maan i klun jɔ akunndan nga n bu’n su.*
Ń dí aklunjɔɛ Zoova dunman nun.
35 Sa tɛ yofuɛ’m bé núnnún asiɛ’n su,yɛ klunwifuɛ’m be su tranman asiɛ’n su kun.+
Ń mánmán Zoova. An manman Ya.*
Ja ngua lɔ ndɛ mun
^ Ebr., “Ɔ yoli i anzi mun aolia nun sran.”
^ Annzɛ “Asɔmɔli gbanflɛn mɔ be kɔmin nun ndrɛ’n ti vɔɔ’n.”
^ Nian Ndɛ’m be bo tulɛ lika’n nun lɔ.
^ Annzɛ “ń bó miziki.”
^ Be kwla se ekun kɛ “Maan i su akunndan nga n bu’n ɔ yo kpa.”
^ Annzɛ “Aleluya.” “Ya” ti Zoova i dunman’n i flɛlɛ kpeʼn.
