SRAN’M BE YIALƐ E WLA KPƐNLƐ AƝIA’N I BO
Zezi wá yó maan alɛ kunlɛ’n wíe
I nun mɔ Zezi o asiɛ’n su wa’n, ɔ kleli kɛ ɔ klo sran mun. I kpa bɔbɔ’n, klolɛ dan m’ɔ klo be’n ti’n, ɔ fɛli i nguan’n mannin. (Matie 20:28; Zan 15:13) Ɔ cɛ kan’n, ɔ́ wá klé sran’m be ekun kɛ ɔ klo be. Yɛle kɛ, kɛ mɔ w’a kaci Famiɛn’n ti’n, ‘ɔ́ wá yo maan alɛ kunlɛ’n wíe asiɛ wunmuan’n su.’—Jue Mun 46:9.
Biblu’n kan like nga Zezi wá yó’n i ndɛ se kɛ:
“Ɔ́ dé yalɛfuɛ m’ɔ kpan kunndɛ ukalɛ’n, ɔ nin sran ng’ɔ leman wie’n nin sran ng’ɔ leman ukafuɛ’n. Ɔ́ sí sran ng’ɔ leman wie’n nin yalɛfuɛ’n be aunnvɔɛ, yɛ ɔ́ dé yalɛfuɛ mun. Ɔ́ dé be be nga be kle be yalɛ’n nin nzaje sa yofuɛ’m be sa nun.”—Jue Mun 72:12-14.
?Ngue yɛ e kwla yo fa kle kɛ e si like nga Zezi yoli’n ɔ nin like ng’ɔ́ wá yó mán e’n i su ye-ɔ? Liki 22:19 nun’n, Zezi seli i sɔnnzɔnfuɛ’m be kɛ maan be wla kpɛn i wie’n su. I sɔ’n ti’n, afuɛ kwlakwla’n kɛ i blɛ’n ju’n, Zoova i Lalofuɛ’m be yo aɲia be kle kɛ be wla kpɛn Zezi i wie’n su. Afuɛ 2024 nga nun’n, Marsi i le 24 m’ɔ ti Mɔnnɛn cɛn’n i nun yɛ é yó aɲia sɔ’n niɔn. É yía wɔ aɲia sɔ’n i bo.
Ninnge wie mɔ be kwla yo ɔ fɛ ekun'n
E WLA KPƐNLƐ CƐN’N
Maan e wla kpɛn Zezi i wie’n su
É yía ɔ kɛ a nin e tran aɲia cinnjin sɔ’n i bo wie. Like nga Zezi yoli’n, ɔ nin i wie’n i su ye nga a kwla ɲɛn i’n, bé wá yíyí nun.
NINNGE CINNJIN NGA BIBLU’N KLE BE’N
?Ngue yɛ be flɛ i Ɲanmiɛn Sielɛ’n niɔn?
I nun mɔ Zezi kán Ɲanmiɛn ndɛ’n, ɔ kannin Ɲanmiɛn Sielɛ’n i ndɛ trali like kwlaa. I afuɛ ya kpanngban yɛ, sran’m be srɛ maan Sielɛ’n i blɛ’n ju.
SASAFUƐ TRANWLƐ'N
Ɲanmiɛn i Famiɛn dilɛ’n i su ndɛ nanwlɛ’n
Biblu’n kan sran ng’ɔ ti Ɲanmiɛn i Famiɛn diwlɛ’n i nun famiɛn’n i ndɛ. Kpɛkun ɔ kan lika ng’ɔ yo’n, nin like ng’ɔ́ wá yó’n, nin be nga bé wá dí famiɛn’n, ɔ nin be nga bé wá síe be’n, be ndɛ.
E SU NDƐ
Se e naan e wa nian ɔ osu
A nin Zoova i Lalofuɛ mun amun koko Biblu’n nun ndɛ kun su yalɛ, annzɛ kunndɛ kɛ á sí be su ndɛ kpa.
