Eclesiastes 1:1-18
1 An mga tataramon kan tagapagpaapod*+ nin pagtiripon, an aki ni David, an hadi sa Jerusalem.+
2 “Mayo nanggad nin kamanungdanan!”* an sabi kan tagapagpaapod nin pagtiripon,“Mayo nanggad nin kamanungdanan! Gabos na bagay mayong kamanungdanan!”+
3 Ano an makukua nin sarong tawo sa gabos niyang pagpapagalNa diyan nagmamaigot siya sa irarom kan aldaw?+
4 Sarong henerasyon an minaagi, asin sarong henerasyon an minaabot,Pero an daga nagdadanay* sagkod lamang.+
5 An aldaw minasirang,* asin an aldaw minasulnop;Dangan naghihidali* iyan na minabalik sa lugar kun sain iyan minasirang giraray.+
6 An duros minahuyop patimog asin minalibot panorte;Pabalik-balik iyan na padagos na naglilibot; daing pundo an duros sa ginigibo kaiyan na pag-itok.
7 An gabos na sapa* nagsusulog pasiring sa dagat, pero an dagat dai napapano.+
Sa lugar kun sain an mga sapa minapuon na magbulos, duman an mga iyan minabalik tanganing sa giraray magsulog.+
8 Nakakapagal an gabos na bagay;Dai iyan kayang ipaliwanag dawa niisay.
Dai nakokontento an mata sa paghiling sana;Ni nakokontento an talinga sa pagdangog sana.
9 An nangyari na mangyayari utro,Asin an ginibo na gigibuhon giraray;Mayo nin ano man na bago sa irarom kan aldaw.+
10 Igwa daw nin ano man na bagay na manungod diyan an saro makakapagsabi, “Hilinga ini—bago ini”?Nag-eksister na iyan kaidto pang haloy na panahon na;
Nag-eksister na iyan bago pa an panahon ta.
11 Mayo na nin nakakagirumdom sa mga tawo kan inot na mga panahon;Ni may makakagirumdom man sa mga maarabot sa huring panahon;Ni magigirumduman man sinda kan mga maarabot sa mas huri pang panahon.+
12 Ako, na tagapagpaapod nin pagtiripon, namamahala sa Jerusalem bilang hadi sa Israel.+
13 Isinentro ko an sakong puso sa pag-adal asin pagsiyasat nin may kadunungan+ manungod sa gabos na bagay na ginibo sa sirong kan kalangitan+—an nakakapangluya sa buot na mga gibuhon na itinao nin Diyos sa mga aki nin tawo na nagpapangyaring pirmi sindang magin sibot.
14 Nahiling ko an gabos na gibuhon na ginigibo sa irarom kan aldaw,Asin uya! mayong kamanungdanan gabos, paglapag sana sa duros.+
15 An tiko dai na kayang tanuson,Asin an mayo dai nanggad puwedeng bilangon.
16 Dangan sinabi ko sa sakong puso: “Hilinga! Nagkaigwa ako nin dakulang kadunungan na labi pa sa kiisay man na nainot sa sako sa Jerusalem,+ asin nagkamit an sakong puso nin kadakul na kadunungan saka kaaraman.”+
17 Isinentro ko an sakong puso sa pag-aram kun ano an kadunungan, kun ano an karungawan,*+ saka kun ano an kalulungan, asin ini man paglapag sana sa duros.
18 Huli ta an gulping kadunungan nagdadara nin gulping pagkadisganar,Kaya an siisay man na nagdadagdag nin kaaraman nagdadagdag man nin kulog.+
Mga Nota
^ O “paraareglar.”
^ O “saysay.”
^ Sa literal, “nakatindog.”
^ O “minaliwanag.”
^ O “naghahangos-hangos.”
^ O “sapa sa tiglipot; sapa na minalataw sa pana-panahon.”
^ O “grabeng kamangmangan.”
