Salmo 115:1-18
115 Bako sa samo, O Jehova, bako sa samo,*Kundi sa saimong pangaran itao an kamurawayan+Huli sa saimong maimbod na pagkamuot asin kaimbudan.+
2 Taano ta masarabi an mga nasyon:
“Hain man an saindang Diyos?”+
3 An samuyang* Diyos yaon sa kalangitan;Ginigibo niya ano man an gustuhon niya.
4 An mga idolo ninda plata* asin bulawan,Gibo kan mga kamot nin tawo.+
5 May nguso sinda, pero dai sinda nakakataram;+May mga mata, pero dai sinda nakakahiling;
6 May mga talinga sinda, pero dai sinda nakakadangog;May dungo, pero dai sinda nakakaparong;
7 May mga kamot sinda, pero dai sinda nakakamati;May mga bitis, pero dai sinda nakakalakaw;+Dai makagibo nin tanog an saindang halunan.+
8 An mga tawong naggigibo sa sainda magigin arog nanggad ninda,+Siring man an gabos na nagtitiwala sa sainda.+
9 O Israel, magtiwala kamo ki Jehova+—Siya an saindang tabang asin an saindang kalasag.+
10 O mga gikan* ni Aaron,+ magtiwala kamo ki Jehova—Siya an saindang tabang asin an saindang kalasag.
11 Kamong mga may pagkatakot ki Jehova, magtiwala kamo ki Jehova+—Siya an saindang tabang asin an saindang kalasag.+
12 Ginigirumdom kita ni Jehova asin bebendisyunan niya kita;Bebendisyunan niya an mga gikan* ni Israel;+Bebendisyunan niya an mga gikan ni Aaron.
13 Bebendisyunan niya an mga may pagkatakot ki Jehova,An mga ordinaryong tawo siring man an mga prominente.
14 Papadakulon kamo ni Jehova,Kamo asin an mga aki* nindo.+
15 Bendisyunan lugod kamo ni Jehova,+An Kaggibo kan langit asin daga.+
16 Kun manungod sa kalangitan, ki Jehova iyan,+Pero an daga itinao niya sa mga aki nin tawo.+
17 Dai nag-uumaw ki Jah an mga gadan;+Ni an siisay man na minababa sa kasilensiyuhan nin kagadanan.*+
18 Alagad uumawon niyato si JahPuon ngunyan asin sagkod lamang.
Umawon nindo si Jah!*
Mga Nota
^ O “Mayo nin para sa samo, O Jehova, mayo nin para sa samo.”
^ O “satuyang.”
^ Sa Ingles, silver.
^ Sa literal, “O harong.”
^ Sa literal, “an harong.”
^ Sa literal, “aking lalaki.”
^ Sa literal, “sa kasilensiyuhan.”
^ O “Aleluya!” Sa Ingles, Hallelujah. An “Jah” pinahalipot na porma kan pangaran na Jehova.
