Salmo 37:1-40
-
Mapapakarhay an mga nagtitiwala ki Jehova
Salmo ni David.
א Aleph]
37 Dai ka maanggot* nin huli sa mga maraotNi mauri sa mga paragibo nin maraot.+
2 Tulos-tulos sindang maluluyos nin siring sa duot+Asin makurubot nin siring sa berdeng bagong duot.
ב Beth]
3 Magtiwala ka ki Jehova asin gibuhon mo an marahay;+Mag-istar ka sa daga,* asin gumawi kang may kaimbudan.+
4 Magkaigwa ka nin labi-labing kaugmahan* ki Jehova,Asin itatao niya an mga minamawot kan saimong puso.
ג Gimel]
5 Ipagkatiwala* mo ki Jehova an dalan mo;+Manarig ka sa saiya, asin mahiro siya para sa saimo.+
6 Papasirangon niya an saimong katanusan nin siring sa maagahon,Asin an saimong hustisya nin siring sa aldaw sa kaudtuhan.
ד Daleth]
7 Magdanay kang silensiyo sa atubangan ni Jehova+Asin maghalat nin may pag-antisipar* sa saiya.
Dai ka maanggot nin huli sa tawoNa mapangganang naisasagibo an saiyang mga pakana.+
ה He]
8 Halia an pagkaanggot asin bayai an grabeng kaanggutan;+Dai ka maaburido asin dai ka gumibo nin karatan.*
9 Huli ta lalaglagon an mga maraot,+Alagad magigin pagsadiri kan mga naglalaom ki Jehova an daga.+
ו Waw]
10 Dikit na sanang panahon, asin an mga maraot mawawara na;+Hihilingon mo an dati nindang kinamumugtakan,Asin mayo na sinda diyan.+
11 Alagad magigin pagsadiri kan mga mahuyo an daga,+Asin makakanumpong sinda nin labi-labing kaugmahan huli sa abundang katuninungan.+
ז Zayin]
12 An maraot nagpapakana laban sa matanos;+Pinaparagot niya an saiyang mga ngipon laban digdi.
13 Alagad ngingisihan siya ni Jehova,Huling aram Niya na maabot man giraray an aldaw niya.+
ח Heth]
14 Hinuhugkot kan mga maraot an saindang espada asin kinukurba an* mga busog nindaTanganing pabagsakon an mga inaapi asin an mga dukha,Tanganing garadanon idtong an mga dalan tanos.
15 Pero sasaksakon kan saindang espada an mismong puso ninda;+Magkakabarari an mga busog ninda.
ט Teth]
16 Mas marahay an kadikit kan saro na matanosKisa sa abundansiya nin dakul na maraot.+
17 Huli ta magkakabarari an mga takyag kan mga maraot,Pero aalalayan ni Jehova an mga matanos.
י Yod]
18 Aram ni Jehova an inaagihan* kan mga daing katuyawan,Asin an mana ninda magdadanay sagkod lamang.+
19 Dai sinda mapapasupog sa panahon nin kapahamakan;*Sa panahon nin tiggutom dakul sindang makakakan.
כ Kaph]
20 Alagad an mga maraot mapapara;+An mga kaiwal ni Jehova mawawara siring sa magayon na mga pasabsaban;Mawawara sinda siring sa aso.
ל Lamed]
21 An maraot nangungutang asin dai nagbabayad,Alagad an matanos bukas-palad* asin nananao.+
22 Idtong mga binendisyunan Niya magigin pagsadiri an daga,Pero idtong mga isinumpa Niya lalaglagon.+
מ Mem]
23 Ginigiyahan* ni Jehova an mga lakad nin sarong tawo+Pag ikinaugma Niya an dalan kaini.+
24 Matumba man siya, dai siya makakalampog,+Huling kinakabit ni Jehova an saiyang kamot.*+
נ Nun]
25 Hoben pa ako kaidto asin gurang na ngunyan,Pero dai pa akong nahiling na siisay man na matanos na pinabayaan,+Ni nahiling na mga aki niya na nakikilimos* nin makakakan.*+
26 Pirmi siyang gikan sa buot na nagpapasubli,+Asin mag-aako nin bendisyon an saiyang mga aki.
ס Samekh]
27 Talikdan mo an maraot asin gibuhon mo an marahay,+Asin magdadanay ka sagkod lamang.
28 Huli ta si Jehova mamumuton sa hustisya,Asin dai niya babayaan an mga maimbod sa saiya.+
ע Ayin]
Pirmi sindang babantayan;+Pero an mga gikan kan mga maraot lalaglagon.+
29 Magigin pagsadiri kan mga matanos an daga,+Asin maistar sinda diyan nin daing sagkod.+
פ Pe]
30 An nguso nin matanos nagtataong kadunungan,*Asin an dila niya nagtataram nin manungod sa hustisya.+
31 An katugunan kan saiyang Diyos yaon sa puso niya;+Dai siya masayasay* sa paglakaw niya.+
צ Tsade]
32 Pigmamanmanan kan maraot an matanos,Gusto niya ining gadanon.
33 Alagad dai siya itatao ni Jehova sa kamot kan sarong iyan+O ibibilang na may sála pag siya husgaran.+
ק Qoph]
34 Maglaom ka ki Jehova asin sunudon mo an dalan niya,Asin ilalangkaw ka niya tanganing magin sadiri mo an daga.
Pag linaglag an mga maraot,+ mahihiling mo iyan.+
ר Resh]
35 Nahiling ko an daing hirak, maraot na tawoNa nagpaparauswag siring sa marambong na kahoy sa daga na tinubuan kaini.+
36 Alagad bigla na sana siyang nawara asin mayo na siya;+Sige kong hanap sa saiya, pero dai ko na siya mahiling pa.+
ש Shin]
37 Obserbaran mo an saro na daing katuyawan,*Asin masdan mo an saro na matanos,+Huling an puturo kan tawong iyan magigin matuninong.+
38 Alagad an gabos na paralapas gagaradanon;An puturo kan mga maraot na tawo hahalion.*+
ת Taw]
39 An kaligtasan kan mga matanos hali ki Jehova;+Siya an saindang masarig na depensa* sa panahon nin kasakitan.+
40 Tatabangan sinda ni Jehova asin isasalbar sinda.+
Isasalbar niya sinda sa mga maraot asin ililigtas sinda,Huling nagpapaili sinda sa saiya.+
Mga Nota
^ O “mag-init.”
^ O “kadagaan.”
^ O “Makanumpong ka nin labi-labing pagkakontento.”
^ Sa literal, “Ipaligid.”
^ O “nin matiyaga.”
^ O posibleng “Dai ka maaburido, ta maresulta sana iyan sa kapahamakan.”
^ O “asin ikinakabit an lubid sa.”
^ Sa literal, “an mga aldaw.”
^ O “kalamidad.”
^ O “mahihirakon.”
^ O “Pinaparigon.”
^ O “kinakabit siya ni Jehova kan kamot Niya.”
^ Sa literal, “naghahanap.”
^ O “tinapay.”
^ O “nagtataram nin kadunungan sa maluway na boses.”
^ O “maripay-dipay.”
^ O “an saro na pinagdadanay an integridad.”
^ O “puputulon.”
^ O “saindang kuta.”
