Talinhaga 9:1-18
9 An tunay na kadunungan nagtugdok kan saiyang harong;Pinorma* niya an pitong harigi kaiyan.
2 Napreparar na niyang marhay an saiyang karne;*Nahalo na niya an saiyang arak;Naipuwesto na man niya an saiyang lamesa.
3 Isinugo niya an saiyang mga suruguon na babayiTanganing mangapudan hali sa ibabaw kan haralangkaw na lugar kan siyudad:+
4 “An siisay man na daing eksperyensiya, maglaog digdi.”
Sinasabi niya sa saro na mayo nin marahay na pagmansay:*
5 “Madya, magkakan ka kan tinapay koAsin umiba kang mag-inom kan arak na hinalo ko.
6 Bayaan mo an saimong pagigin daing eksperyensiya* asin padagos kang mabuhay;+Paabante kang maglakaw sa dalan nin pakasabot.”+
7 Nag-aagda nin kawaran nin onra an saro na nagtatanos sa sarong paraulog-ulog,+Asin makukulgan an siisay man na nagsasagwi sa sarong maraot.
8 Dai mo pagsagwion an sarong paratuya, ta kun iyo ikakaungis ka niya.+
Sagwion mo an sarong madunong, asin mamumutan ka niya.+
9 Hirasan mo an tawong madunong, asin magigin siyang mas madunong.+
Tukduan mo an sarong matanos, asin madudugangan niya an saiyang nanunudan.
10 An pagkaigwa nin pagkatakot ki Jehova iyo an kapinunan nin kadunungan,+Asin an kaaraman manungod sa Kabanal-banaling Diyos+ iyo an pakasabot.
11 Huli ta paagi sa sako madakul an saimong mga aldaw,+Asin madadagdagan an mga taon kan saimong buhay.
12 Kun ika magin madunong, para ini sa saimong kapakinabangan,Pero kun saro kang paratuya, ika sana an masapar huli kaiyan.
13 Matabil an sarong babaying mangmang.+
Ignorante siya asin mayo nanggad nin aram.
14 Nagtutukaw siya sa may entrada kan harong niya,Sa sarong tukawan na nasa haralangkaw na lugar kan siyudad;+
15 Inaapod niya an mga nag-aaragi,Su mga durudiretsong naglalakaw sa dalan ninda:
16 “An siisay man na daing eksperyensiya, maglaog digdi.”
Sinasabi niya sa saro na mayo nin marahay na pagmansay:*+
17 “Mahamis an tubig na hinabunan,Asin masiram an kakanon na pasekretong kinakakan.”+
18 Alagad dai niya aram na yaon duman idtong nagkagaradan na, su mga dai nang nagigibo pa,Na yaon sa kairaruman kan Lubungan* an saiyang mga bisita.+
Mga Nota
^ O “Tinabas.”
^ Sa literal, “Nabuno na niya an saiyang bubunuon.”
^ O “kulang nin marahay na pagmansay.” Sa literal, “mayong (tikapo an) puso.”
^ O “an mga daing eksperyensiya.”
^ O “kulang nin marahay na pagmansay.” Sa literal, “mayong (tikapo an) puso.”
