Bushe Umuntu aba Shani nga Afwa?
Icasuko ca mu Baibolo
Baibolo itila: “Aba mweo balishiba ukuti bakafwa; lelo abafwa, tabaishiba akantu nangu kamo.” (Lukala Milandu 9:5; Amalumbo 146:4) Kanshi nga twafwa, tatwishiba nangu cimo. Abafwa tabatontonkanya, tabacita icili conse, nelyo ukumfwa icili conse.
“Ku lukungu e ko ukabwelela”
Ilyo Lesa alandile na Adamu, alilondolwele ifyo fwe bantu tuba nga twafwa. Pa mulandu wa kuti Adamu alibembwike, Lesa amwebele ati: “Uli lukungu, kabili ku lukungu e ko ukabwelela.” (Ukutendeka 3:19) Ilyo Lesa ashilapanga Adamu “ku lukungu lwa mu mushili,” Adamu taliko. (Ukutendeka 2:7) Kanshi, ilyo Adamu afwile, abwelele ku mushili.
Ifi fine e fyo ciba na ku bantu abafwa muno nshiku. Baibolo ilanda pa bantu ne finama ukuti: “Fyonse fibili fyafumine ku lukungu, na fyonse fibili fibwelela ku lukungu.”—Lukala Milandu 3:19, 20.
Imfwa te mpela ya muntu
Baibolo ilinganya imfwa ku kulaala utulo. (Amalumbo 13:3; Yohane 11:11-14; Imilimo 7:60) Umuntu uuli mu tulo teshiba icili conse icilecitika. E fyo caba na ku bantu abafwa, tabaishiba akantu nangu kamo. Lelo Baibolo isambilisha ukuti Lesa kuti abuusha abafwa nga filya fine umuntu uuleele utulo bengamubuusha. (Yobo 14:13-15) Ku bantu abo Lesa akabuusha, imfwa te mpela yabo.
Nalimo Kuti Mwatemwako ne fi
ULUPUNGU LWA KWA KALINDA
Ifyo Baibolo Ilanda pa Mweo na pa Mfwa
Bushe kwaliba icishalilila ukuba no mweo nga twafwa? Bushe twalikwata umweo uushifwa? Bushe abafwa baba kwi?
AMASAMBILISHO YA MU BAIBO AYACINDAMA
Bushe Abafwa Baba Shani?
Baibolo yalilaya ukuti abafwa abengi bali no kubuushiwa nga filya fine Lasaro ababuushiwe.
AMASUKO KU MEPUSHO YA MU BAIBOLO
Cinshi Abantu Bafwila?
Ifyo Baibolo ya-asuka ici icipusho filatusansamusha no kutupeela isubilo.
ULUPUNGU LWA KWA KALINDA
Bushe Umuntu aba Shani nga Afwa?
Mu Baibolo mwaliba amalyashi ayalanda pa bantu 8 ababuushiwe. Finshi balandilepo ilyo babuushiwe?
AMASUKO KU MEPUSHO YA MU BAIBOLO
Bushe Ukubuuka ku Bafwa Cinshi?
Mukapapa ukumona bamo abakabuuka ku bafwa.
AMASAMBILISHO YA MU BAIBOLO
Tendekeni ukusambilila Baibolo ne Nte sha kwa Yehova
Tendekeni ukusambilila baibolo ne Nte sha kwa Yehova ukwabula ukulipila.