Amalumbo 90:1-17
Ipepo Mose umuntu wa kwa Lesa wa cine+ apepele.
90 Mwe Yehova, nimwe icifulo cesu ico twikalamo*+ mu nkulo shonse.
2 Ilyo impili tashilafyalwa,Nangu ilyo mushilabumba isonde na fyonse ifyabapo,+Ukufuma umuyayaya no kuya umuyayaya nimwe Lesa.+
3 Mulenga umuntu umwina kufwa abwelela ku lukungu,Mutila: “Bwelelenimo ku lukungu, mwe bana ba bantu.”+
4 Pantu imyaka 1,000 kuli imwe yaba fye ngo bushiku bumo ubwapita,+Yaba nga ama-awala ayanono mu nshita ya bushiku.
5 Mulabapyanga;+ baba fye ngo tulo;Baba nge cani icipuuka ulucelo.+
6 Ulucelo cilalelema kabili cilaba iciteku na kabili,Lelo icungulo cilabonsa no kuuma.+
7 Pantu ubukali bwenu bwatulofya,+Kabili bwatutiinya.
8 Mubika imembu shesu pa ntanshi yenu,*+Ulubuuto lwa cinso cenu lulalenga ifyo tucita mu bumfisolo fyaishibikwa.+
9 Inshiku shesu shilapita ulubilo* pa mulandu wa bukali bwenu;Kabili imyaka yesu ilapwa bwangu ngo mupu.*
10 Twikala fye imyaka 70,Nelyo 80+ nga naukosa.
Na lyo line muli iyi myaka tulacula sana kabili tulaba no bulanda;Inshiku tuba no mweo shilapita bwangu, kabili tulapupuka twaya.+
11 Nani uwingapima amaka ya bukali bwenu?
Ubukali bwenu bukalamba nga nshi, kabili ifi fine e fifwile ukuba na katiina abantu balingile ukumukwatila.+
12 Tusambilisheni ifya kupenda inshiku shesu+Pa kuti tube no mutima wa mano.
13 Mwe Yehova,+ tulangeni icikuuku na kabili! Bushe mukatwalilila fye ukutufulilwa?+
Umfwileni ababomfi benu uluse.+
14 Mu nshita ya lucelo tulangeni ukutemwa kwenu ukushipwa,+Pa kuti tuleimba ninshi natusansamuka kabili tulesekelela+ inshiku shesu shonse.
15 Lengeni ukusekelela kwesu kulingane ne nshiku isho mwatucusha,+Nakulingane ne myaka iyo twacula.+
16 Ababomfi benu nabamone umulimo wenuKabili abana babo nabamone ubukata bwenu.+
17 Mwe Yehova Lesa tupaaleni;Lekeni imilimo ya minwe yesu ile-enda bwino.
Lengeni imilimo ya minwe yesu ile-enda bwino.+
Amafutunoti
^ Nelyo kuti yapilibula no kuti, “nimwe cubo cesu.”
^ Nelyo “Muleshiba imembu shesu.”
^ Nelyo “Ubumi bwesu bwalipipa.”
^ Nelyo “nga filya ukwisha icefu kupwa bwangu.”
