PA 7 na pa 8 May mu 2016, kwali abantu abengi abali apafikila abeni pa maofeshi yakalamba aya Nte sha kwa Yehova ayabelele pa 25 Columbia Heights, ku Brooklyn, mu New York. Nangu ca kuti umwa kufikila abeni no mwaba ifikope fya kulanga abaletandala tabesulamo pa Cibelushi na pa Mulungu, pali ishi nshiku shena abena mupalamano abekela mupepi na pa Bethel balibetile ukuya mu kutamba umwaba amaBaibolo ayalekanalekana.

Kampeni ya kwita abantu yalilengele ababombeleko muli iyi kampeni bashimikila ku bantu abengi kabili balinonkelemo icine cine. Bamunyinefwe balikoseleshiwe ilyo baumfwile  ifisuma ifyalelanda abena mupalamano abengi abaikala mupepi na pa Bethel pa myaka iingi.

Umwaume umo atile: “Nalikala sana mu mayanda ayalekanalekana ayabela mupepi na Bethel ukutula muli ba 1960, ni mwe fye namona ukuti muli bena mupalamano abasuma sana. Tukalamufuluka icine cine kabili nga caliweme sana amutwalilila ukwikala kuno kwine.”

Umwanakashi umo atile: “Abantu nga tabatendeke ukulaikala kuno nga ca kuti imwe tamwaliko, twalitemwa sana ukuti mwali abena mupalamano besu imyaka yonse iyapita.”

Bapainiya abengi abalebombela kuli ici cifulo balitemenwe sana ifyo abantu balebapokelela bwino. Umwaume umo uwaleikala mupepi na pa Bethel alitashishe sana icilonganino cesu kabili alyumfwile sana ububi pantu ali no kufumapo ilyo abantu bali no kuya mu kutandala pa Bethel.

Mwalifumine ifisuma muli filya bamunyinefwe baitile abantu ukuya mu kutandala pa Bethel. Mu nshiku shibili, abantu 48 abashali ba Nte bali pa baile mu kutamba umo babika amaBaibolo pa Bethel. Ilyo abantu baile mu kutandala, kwali ababombela pa Bethel abengi abaile apafikila abeni ku kupokelela abena mupalamano no kulanshanya nabo.

Ba Sally abali ne myaka ukucila pali 25, bali umo baletamba amaBaibolo nalimo pa mamineti 30. Ilyo bafikile, basangile bapainiya ababetile mu kutandala ninshi bali apafikila abeni. Ba Sally batile tabaishibe ukuti kwaliba na uko bengatamba amaBaibolo. Bapainiya baebele ba Sally ukuti balitemenwe ukumonana nabo pantu balangile ukuti balitemwa Baibolo nangu ca kuti balisambilila sana. Lyena ba Sally balandile ukuti: “Baibolo citabo icacindama sana. Kuti twaishiba fye ifyo Lesa aletweba nga twabelenga Baibolo. Citabo icingatwafwa sana.”

 Ba Sally balandile ukuti ifyo balemona Baibolo fyalengele bafwaisha ukusambilila iciLatin ne ciGriki no kuti balitemenwe sana umulimo wa kupilibula. Ukupilibula ifya cine kwalicindama sana pa kuti tafileumfwika kwati ifipilibwilwe mano fye ya bantu. Ilyo bapainiya baebele ba Sally ukuti pa webusaiti yesu iya jw.org paliba impapulo ishilanda pa fya mu Baibolo isho bapilibula mu ndimi ukucila pali 800, balipapile sana kabili balitemenwe. Ilyo aba bankashi baebele ba Sally ifyo bakapilibula bacitile kwi shina lya kuti Yehova, balipapile sana kabili baipwishe ukuti, “Cinshi mu Baibolo bafumishamo ishina lya kwa Yehova?” Ilyo ba Sally balebwelelamo batile, “Pa bantu abengi abo naikalapo nabo, nimona ukuti imwe muli bena mupalamano abasuma sana.”

Pali Cimo ubushiku bwakonkelepo ukutula apo abantu batandalile pa Bethel, uwa mapepo umo aile apali ba John abalebombela pa musambo ninshi bali na kastandi ka mawilo mupepi na pa Bethel. Aebele ba John ukuti alitemenwe sana ilyo atandele pa Bethel ne fyo amwene ukuti tulakonka ifyo Baibolo ilanda. Nomba ilyo balanshenyeko fye panono, alandile ukuti: “Ba Nte nabankalifya sana!” Ba John balipelenganishiwe no kumwipusha icalengele afulilwe ba Nte. Atile: “Pantu mulefwaya ukufumako kuno! MWIYA! Nga mulefwaya kuti mwashita ifikuulwa ifikalamba nelyo kuti mwakuula ifyo mulefwaya, cikulu fye mwiya. Mulalenga kuno kwaba umutende. Nomba nimfulwa sana ifi mulekuukila kumbi!”

Kampeni ya kwita abantu no kutandala kwa kutamba umo babika amaBaibolo kwalengele abantu abengi ukukutika ku mbila nsuma kabili abengi abashaishibe ishina lya kwa Lesa nomba balilishibe.