1 | Ipepo—“Mulepoosa Amasakamika Yenu Yonse Pali Ena”
IFYO BAIBOLO ILANDA: “Mulepoosa amasakamika yenu yonse pali Lesa, pantu asakamana imwe.”—1 PETRO 5:7.
Umo Aya Mashiwi Yalola
Yehova Lesa alitweba ukuti tulelanda kuli ena pa fili fyonse ifiletusakamika. (Amalumbo 55:22) Takwaba ubwafya ubwakula sana nelyo ubunono sana ubo tushingapepelapo. Apo Yehova alitubikako amano kuti twamweba fyonse ifiletusakamika. Ukupepa kuli Lesa kuti kwalenga twaba no mutende.—Abena Filipi 4:6, 7.
Ifyo Ifi Fingatwafwa
Nga ca kuti twalilwala amalwele ya matontonkanyo kuti tuletalalilwa sana. Abantu bamo te kuti bomfwikishe ifyo tulepitamo. (Amapinda 14:10) Lelo nga twapepa kuli Lesa no kumweba ifyo tuleumfwa ukufuma panshi ya mutima, akulatulangulukilako pantu ena aleshiba ifyo tumfwa. Apo Yehova alatumona, aleshiba amafya tukwata e lyo ne filetusakamika kabili alafwaya tulepepa kuli ena no kumweba fyonse ifiletucusha.—2 Imilandu 6:29, 30.
Nga tulepepa kuli Yehova twakulashininkisha ukuti alatusakamana. Kuti twaumfwa nge fyaumfwile kemba wa malumbo ilyo apepele ukuti: “Pantu namumona ukucula kwandi; namwishiba amacushi ya mweo wandi.” (Amalumbo 31:7) Ukwishiba fye ukuti Yehova alatubikako amano kabili aleshiba ifyo tumfwa kuti kwalenga twalashipikisha. Ena alatumfwikisha ukucila umuntu uuli onse, kabili alatwafwa ukusanga ifingatusansamusha muli Baibolo.
Nalimo Kuti Mwatemwako ne fi
ULUPUNGU LWA KWA KALINDA
Kuti Twacita Shani pa Kuti Lesa Alekutika ku Mapepo Yesu?
Kuti mwapepa kuli Lesa inshita iili yonse, te mulandu no ko muli, nampo nga ni mu kupongomoka nelyo ni mu mutima. Yesu alitwafwile no kwishiba ifyo twingapepelapo.
AMASAMBILISHO YA MU BAIBO AYACINDAMA
Bushe Lesa Alakutika ku Mapepo Yonse?
Inga nga ca kuti umuntu alepepela fye ukuti ifintu fimuwamine? Nelyo umwaume uucusha umukashi wakwe e lyo alepepa ukuti Lesa amupaale? Bushe Lesa kuti akutika nga bapepa?
ABACAICE BEPUSHA UKUTI
Mulandu Nshi Ningile Ukupepela?
Bushe ico abantu bapepela kufwaya ukumfwako fye bwino nangu kwaliba umulandu uukalamba tulingile ukupepela?
ULUPUNGU LWA KWA KALINDA
Bushe Lesa Alomfwa Amapepo Yesu?
Baibolo ilanda ukuti Lesa alakutika ku mapepo yesu nga twapepa ukulingana ne fyo afwaya.
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
