Lesa Alamusakamana
Apo Baibolo yafuma kuli Lesa, mwaliba amashiwi ayasuma ayatutungulula. Te citabo cifunda pa fya bumi, lelo kuti catwafwa ukwishiba ifya kucita nga twakwata amafya, nga natulwala amalwele ya matontonkanyo nelyo amalwele yambi.
Ne cacilapo ukucindama ca kuti, Kabumba wesu Yehova Lesa, a aleshiba ifyo tutontonkanya ne fyo tumfwa pa fintu. Alafwaisha ukutwafwa ukulashipikisha amafya tukwata. Lekeni tumone Amalembo yabili ayengatusansamusha:
“Yehova ali mupepi ku baba ne mitima ya bulanda; kabili apususha abasakamikwa imitima.”—AMALUMBO 34:18.
“Pantu ine, ne Yehova Lesa obe, ndeikata ukuboko kobe ukwa ku kulyo, ndekweba ati, ‘Witiina. Ine nkakwafwa.’”—ESAYA 41:13.
Bushe Yehova atwafwa shani ukulashipikisha nga twalilwala amalwele ya matontonkanyo? Mu fipande fikonkelepo, mwalamona ifyo Yehova alanga ukuti alatusakamana mu nshila ishalekanalekana
a Ishina lya kwa Lesa ni Yehova.—Amalumbo 83:18.
