Finshi Mfwile Ukucita pa Kuba Inte ya kwa Yehova?
Umuntu nga alefwaya ukuba Inte ya kwa Yehova alingile ukucita ifyo Yesu alandile pali Mateo 28:19, 20. Ili ilembo lyalilanda pa fyo umuntu alingile ukucita pa kuti abe umusambi wa kwa Kristu, kabili pa fyo lyalanda paba no kulaeba abantu pali Yehova.
Ica kubalilapo: Mulingile ukwishiba ifyo Baibolo isambilisha. Yesu aebele abasambi bakwe ukulapanga abasambi e lyo no kulabasambilisha. (Mateo 28:19, 20) Ishiwi ilyo bapilibula ukuti “umusambi” lipilibula ukuti “uo basambilisha.” Amasambilisho yaba mu Baibolo, maka maka ayo Yesu Kristu alesambilisha, kuti yalenga mwaba ne nsansa. (2 Timote 3:16, 17) Kuti twatemwa ukumwafwa ukwishiba ifyo Baibolo isambilisha ukwabula ukulipila.—Mateo 10:7, 8; 1 Abena Tesalonika 2:13.
Ica bubili: Mulecita ifyo mulesambilila. Yesu alandile ukuti abasambi bakwe bonse balingile “ukulakonka fyonse ifyo [atwebele].” (Mateo 28:20) Kanshi ifyo mwakulasambilila muli Baibolo nalimo kuti fyalenga mwayaluka mu fyo mutontonkanya ne fyo mucita. (Imilimo 10:42; Abena Efese 4:22-29; AbaHebere 10:24, 25) Kanshi abakonka ifyo Yesu alandile balapingulapo ukulakonka Yesu ilyo baipeela kuli Yehova Lesa.—Mateo 16:24.
Ica butatu: Mulingile ukubatishiwa. (Mateo 28:19) Mu Baibolo ulubatisho balupashanya ku kushiikwa. (Linganyeniko Abena Roma 6:2-4) Umuntu nga abatishiwa ciba kwati afwa, e kutila aleka ukucita ifyo alecita kale no kutendeka ukwikala imikalile iipya. Kanshi nga mwabatishiwa, ninshi mwalanga abantu bonse ukuti namucita ifintu fibili ifyo Yesu alandilepo, kabili ninshi mulelomba Lesa ukuti amupeele kampingu iyasanguluka.—AbaHebere 9:14; 1 Petro 3:21.
Kuti naishiba shani ukuti nininga ukubatishiwa?
Mulingile ukweba baeluda ba mu cilonganino. Bakalanshanya na imwe pa kuti bakashininkishe ukuti mwalyumfwikisha ifyo cipilibula ukubatishiwa, mulakonka ifyo musambilila kabili mwaitemenwe fye ukuipeela kuli Lesa.—Imilimo 20:28; 1 Petro 5:1-3.
Bushe abana ba ba Nte nabo balingile ukukonka ifi fyonse twalandapo?
Ee. Nga fintu Baibolo ilanda, tukusha abana ukulingana no “kusalapula kwa kwa Yehova no kukonkomesha kwakwe.” (Abena Efese 6:4) Lelo ilyo balekula, balingile ukuipingwila abene ilyo bashilabatishiwa nga ca kuti balefwaya ukulasambila Baibolo, ukusumina ifyo ilanda no kulacita ifyo isambilisha. (Abena Roma 12:2) Cila muntu alingile ukuisalilapo umwine nga alefwaya ukuba Nte nelyo iyo.—Abena Roma 14:12; Abena Galatia 6:5.
Nalimo Kuti Mwatemwako ne fi
PA NTE SHA KWA YEHOVA
Bushe Isambililo lya Baibolo Liba Shani?
Mu calo conse, Inte sha kwa Yehova shaishibikilwa ku kusambilisha abantu Baibolo ukwabula ukubalipilisha. Moneni ifyo ciba.
AMEPUSHO ABANTU BEPUSHA SANA
Bushe Isambililo lya Baibolo E Cinshi?
Amasuko ku mepusho pe sambililo lya Baibolo ilyabula ukulipilisha.
AMASUKO KU MEPUSHO YA MU BAIBOLO
Bushe Calicindama Ukuba mu Cilonganino ca Mapepo?
Bushe umuntu kuti alepepa Lesa pa lwakwe?
AMASAMBILISHO YA MU BAIBOLO
Tendekeni ukusambilila Baibolo ne Nte sha kwa Yehova
Tendekeni ukusambilila baibolo ne Nte sha kwa Yehova ukwabula ukulipila.