Ol Sam 130:1-8
Wan Singsing Blong Go Antap.
130 Long ples we i dip, mi singaot i kam long yu Jehova.+
2 O Jehova, plis yu harem voes blong mi.
I gud sora blong yu i lesin gud taem mi askem strong blong yu halpem mi.
3 O Jah,* sipos yu stap lukluk* ol mastik nomo,?Hu i save kam stanap long fored blong yu, O Jehova?+
4 Yu yu stap fogivim ol man we yu no giaman,+Olsem nao, ol man oli save respektem yu bigwan.*+
5 Mi mi putum hop blong mi long Jehova, yes, ful bodi blong mi* i putum hop long hem.
Mi wet long tok blong hem.
6 Mi mi* gohed nomo blong wet long Jehova+I bitim ol wajman we oli stap wet blong moning i kamtru,+Yes, i winim ol wajman we oli stap wet blong moning i kamtru.
7 I gud Isrel i gohed blong wet long Jehova,From Jehova i neva lego fasin ya blong hem blong lavem ol man,+Mo hem i gat bigfala paoa blong pembak ol man.
8 Bambae hem i pembak ol man Isrel, i tekemaot olgeta long ol sin blong olgeta.
Ol futnot
^ “Jah,” hem i sot nem blong Jehova.
^ NT: “stap raetemdaon.”
^ PT: “fraet long yu.”
^ NT: “sol blong mi.”
^ NT: “Sol blong mi i.”
