Ol Sam 46:1-11
Long daerekta. Singsing blong ol boe blong Kora.+ I folem stael blong Alamot.*
46 God i ples blong haed blong yumi mo i paoa blong yumi,+Mo long taem blong trabol, yumi save kasem help long hem kwiktaem.+
2 From samting ya, bambae yumi no fraet, nating se wol i stap jenis,Mo nating se ol bigfala hil oli folfoldaon i go long botom blong solwota,+
3 Mo nating se solwota i mekem bigfala noes mo i waet olbaot,+Mo nating se ol bigfala hil oli stap muvmuv from bigfala noes blong hem. (Selah)
4 I gat wan reva we ol springwota blong hem oli stap mekem taon blong God i glad,+Hemia bigfala tabenakel* we i tabu i blong God ya we i Hae Olgeta.
5 God i stap long taon ya,+ mo man i no save winim taon ya.
Taem i brok delaet, God bambae i kam givhan long taon ya.+
6 Ol nesen oli stap mekem bigfala noes, ol kingdom oli folfoldaon.
God i leftemap voes blong hem, mo wol i melt.+
7 Jehova komanda blong ol ami, i stap wetem yumi,+God blong Jekob i sefples blong haed blong yumi.* (Selah)
8 Yufala i kam mo yufala i luk ol wok blong Jehova,Hem i mekem plante samting blong sapraes long wol ya.
9 Hem i stap finisim ol wo long olgeta ples long wol.+
Hem i stap brekem ol bonara mo i brebrekem ol spia.
Hem i stap bonem ol kat blong faet,* long faea.
10 Hem i talem se: “I naf, mo yufala i mas save se mi mi God.
Ol nesen bambae oli leftemap mi.+
Ol man long wol bambae oli leftemap mi.”+
11 Jehova komanda blong ol ami, i stap wetem yumi,+God blong Jekob i wan sefples blong yumi haed long hem.+ (Selah)
