Ol man oli wantem wan gavman we oli save trastem, from oli taed finis long korapsen. Long 2023, ol man blong mekem risej oli faenemaot se long fulwol, ol man oli no trastem nating ol lida blong gavman. a

 Baebol i tokbaot wan gavman we ol man oli save trastem fulwan Lida blong hem, from we hem i tok tru oltaem mo bambae i neva mekem korapsen. Gavman ya hemia Kingdom blong God, mo Jisas Kraes nao i Lida blong gavman ya.—Aesea 9:7.

 Taem Jisas i stap long wol, hem i soemaot long ol aksen blong hem se hem i kea long ol man. (Matiu 9:35, 36) Mo from we hem i King blong Kingdom blong God, i no longtaem olgeta we oli jus blong stap aninit long rul blong hem bambae oli kasem jastis mo pis.—Sam 72:12-14.