?Weples Yu Save Faenem Gudfala Advaes?
Yumi laef long wan wol we tingting blong ol man i stap jenis oltaem. Taswe, ?weples yu save faenem ol advaes we oltaem oli wok gud? ?Olsem wanem blong mekem ol desisen we bambae i mekem se yu glad?
Baebol i save givhan long yu blong mekem ol gudfala desisen. ?From wanem? Hemia from we Baebol i kamaot long God ya i we wokem yumi, mo hem i save beswan rod we yumi save folem blong gat pis mo glad.
“Hem i talem long yu finis wanem i gud.”—Maeka 6:8.
Yumi save trastem ol advaes we i stap long Baebol. Ol advaes ya, “man i save dipen long olgeta oltaem, naoia mo blong olwe.”—Ol Sam 111:8.
I gud yu faenemaot olsem wanem ol advaes blong Baebol oli save givhan long yu.