WEKAP! N. 4 2017 | ?Oltaem Yu Yu Bisi Tumas?
Tede, plante man oli bisi tumas. Oli kasem mak ya we samtaem oli no moa fren gud wetem famle, mo famle i no hapi.
?Olsem wanem yumi save yusumgud taem blong yumi?
Wan waes man i bin raetem se: ‘sipos yumi no wari, hemia i gud i winim we yumi stap hadwok tumas oltaem, be yumi no winim wan samting.’—Prija 4:6.
Magasin ya i tokbaot sam advaes we oli save givhan long yumi blong yusum gud taem blong yumi, mo luksave ol samting we oli impoten blong mekem fastaem.
STORI BLONG FRAN PEJ
?Oltaem Yu Yu Bisi Tumas?
Plante man oli luk se oli no gat inaf taem blong wok mo mekem ol wok long haos. ?From wanem problem ya i kamaot? ?Yu save mekem wanem blong daonem problem ya?
Arktik Tern i Mekem Yumi Sapraes
Ol man oli bilif se pijin ya arktik tern i flae samwe 35,200 kilometa stat long Artik i go kasem Antatika. Be i gat sam moa stori blong pijin ya we yumi sapraes long hem.
‘Gudnem i Moa Gud i Bitim Fulap Mane’
Yu save gat gudnem mo ol narafala oli save respektem yu. ?Be olsem wanem blong mekem?
ADVAES LONG FAMLE
Taem Pikinini i Aot Long Haos
Sam hasban mo waef oli fesem bigfala trabol afta we ol pikinini blong olgeta oli kam bigwan mo oli aot long haos. ?Ol papa mo mama oli save mekem wanem taem ol pikinini oli no moa stap long haos?
STORIAN WETEM
Wan Man Blong Stadi Long Bren i Tokbaot Bilif Blong Hem
Rajesh Kalaria i tokbaot wok mo bilif blong hem. ?Wanem i mekem se hem i intres long saens? ?Mo wanem i mekem se hem i wantem save se laef i stat olsem wanem?
BAEBOL I TALEM WANEM
Samting We i Traem Yu
Mared we i brok, sik, harem nogud long tingting, hemia sam long ol samting we oli save traem yumi. ?Be olsem wanem blong blokem ol samting we oli traem yumi?
?I GAT WAN MAN WE I WOKEM SAMTING YA?
Spesel Kala Blong Pollia Beri
Pollia beri i blu we i blu i bitim ol narafala tri. Be beri ya i no gat wan samting we i wokem blu kala ya. ?Wanem i mekem se hem i gat wan blu kala olsem?
Sam Moa Samting
?Baebol i Save Halpem Mi Blong Gat Wan Hapi Famle?
Sam gudfala advaes blong Baebol we i givhan long plante milian man mo woman blong oli gat wan hapi famle.
