“See the Good Land” i wan atlas blong Baebol we yu save yusum blong harem gud moa long prapa Baebol stadi blong yu. Long Baebol, i gat nem blong plante ples, taon, mo kantri. Sipos yu yusum atlas ya, bambae yu intres moa long Baebol riding mo Baebol stadi. Long “See the Good Land” yu save faenemaot weples wan stori blong Baebol i bin hapen mo pijarem stori ya. Mo tu, bambae i givhan long yu blong kasem save olsem wanem geography i joen wetem ol stori long Baebol.

“See the Good Land” i gat ol kalakala map mo jat blong ol defren ples we Baebol i tokbaot. Mo tu, i gat ol droing, ol pija we oli mekem long kompiuta, mo plante narafala samting we i save mekem se yu harem gud moa long Baebol stadi blong yu.

Atlas blong Baebol bambae i givhan long yu blong

• save long ol ples we Ebraham, Aesak, mo Jekob oli wokbaot long olgeta

• lukluk rod we ol man Isrel oli folem taem oli aot long Ijip blong go long Promes Lan

• skelem ples we ol man Isrel oli stap long hem wetem ples we ol enemi nesen oli stap long hem

• luk ol ples we Jisas i wokbaot blong prij

• kasem save long saes blong ol ples we ol bigfala kantri olsem Babilon, Gris, mo Rom, oli rul long olgeta, folem samting we Baebol i talem

Yu save faenem fri atlas ya blong Baebol long Intenet, we i stap long Inglis mo Franis.