EHE ITOTA Lahọ gha mwẹ amuroro ghee emwa ọvbehe. Yerre wẹẹ, u sẹtin mu ehe na tota yi khẹ ẹgbẹe ruẹ, ra emwa ne uwa gba la imọto rre, emwa ne uwa gba rre owa, ra emwa ne uwa gu ruẹ e Baibol. Lahọ, ghẹ sẹ emwi rae ye ehe na tota yi, ne u ma mu khẹ ọmwa rhọkpa.

EVBỌ WIRI NA MIẸN RHIE Ugha na, ẹre a rhiẹre yi, emwi ke emwi na miẹn rhie. Adeghẹ u mu emwi ke emwi fua, gha rrie ugha na, ne u sunu ye emwi ruẹ nọ wiri. A gha miẹn emọ ni khian fua vbe ehe ne evbibiẹ iran ye kevbe ni wiri, a ghi rhie iran gha rrie ugha na. Ọrheyerriọ, ọ ma khẹke na gha ghee evba zẹvbe ehe ukokọmọ. Lahọ gbaroghe ivbuẹ, ne u si iran kẹ egbe.

IDINMWIAMẸ Avbe aga ni ke odaro sẹ, ni rre odaro ogiukpo, ẹre a mwamwa khẹ emwa ni khian dinmwiamẹ. Adeghẹ afiwerriẹ na gha rre ọna, a gha yae wewe ọ te sẹ ẹghẹ. Ọ khẹke ne emwa ni khian dinmwiamẹ tota ye ehe itota na mwamwa khẹ iran, a te suẹn gha ya ọta ọghe idinmwiamẹ guan vbe ẹghẹ owiẹ vbe Satọde. Edọmwadẹ ọghẹe ghi rhie ukpọn na ya kaa egbe rre, kevbe ukpọn nọ khẹke na ya dinmwiamẹ.

IWINNA NỌ KE EKHỌE RRE Adeghẹ ọ ke ruẹ ekhọe rre ne u ru iyobọ ye iwinna nọ dekaẹn emwamwa asikoko na, lahọ gha rrie ugha na; a gha ma ruẹ ehe na na gualọ iyobọ.

IZỌHẸ Igho ọrhẹnrhẹn ẹre a loo ro ya ru emwamwa, na ya kpemehe ehe itota nọ khẹke, avbe emadogua ọghe amigbo kevbe e vidio, kevbe avbe iwinna nibun ọvbehe, ne asikoko nọkhua ne ima rre na, mieke na fu ima egbe rre, kevbe nọ ru iyobọ ne ima ya sikẹ e Jehova sayọ. Avbe izọhẹ ne uwa ru, ẹre a loo ro ye ena hia, kevbe avbe iwinna Arriọba ọvbehe nọ khian vbe otagbọn hia. Nọ mieke na khuẹrhẹ nuẹn, avbe ẹkpẹti okozẹ na se ama yi gbodoo, keghi rre ako hia vbe ọgbẹlẹzẹ na. Deghẹ u hoo ne u ya intanẹt ru izọhẹ, gha rhie donate.mt1130.com. Ma wa gbọyẹmwẹ ye izọhẹ hia ne uwa ru ẹsẹsẹmwẹse. Ẹbu Nọ Su keghi kpọnmwẹ uwa ne uwa na zẹ emwi obọ ya ru iyobọ ye iwinna Arriọba.

UGHA NỌ SIẸNRO ISINMWIEGBE ỌGHE ẸGIẸGIẸ Lahọ yerre wẹẹ, ọna keghi re ugha nọ ru iyobọ ẹgiẹgiẹ ne etẹn.

UKỌ NI SU ỌMWA Ukọ ni su ọmwa ẹre a zẹ yọ nọ ru iyobọ ne uwa. Lahọ ku obọ gbe ba iran ẹsẹsẹmwẹse, lekpae ne u lele adia ọghe iran vbe nọ dekaan ako ne okotọ na kun sie, ako ne emwa la lae asikoko kevbe ne iran la ladian, ehe itota kevbe avbe emwi ọvbehe.