IRUẸMWI 7
De Emwi Ne Arriọba Osanobua khin?
1. De emwi ne Arriọba Osanobua khin?
Vbọzẹ ne ukpo Ọba na khẹke Jesu?—MAK 1:40-42.
Ẹrinmwi ẹre Arriọba Osanobua ye. Evba ẹre ọ khian ke gha kha yan agbọn na. Ọ gha wabọre rua arriọba emwa nagbọn hia, kevbe Osanobua gha loo ẹre ya ru ahoo ọghẹe vbe ẹrinmwi kevbe agbọn. Ọ keghi re iyẹn nọma wẹẹ, Osanobua gha loo Arriọba na ya ru ahoo ọghẹe. Vbe nẹi khian kpẹ gbe, Arriọba Osanobua gha rhie ne emwa nagbọn, isọkẹn niran gualọ ke ẹghẹ nọ kpẹre gha de. Ọ gha ku emwa nagbọn hia kugbe.—Tie Daniẹl 2:44; Matiu 6:9, 10; 24:14.
Arriọba hia fẹrẹ keghi mwẹ ọba. E Jehova keghi zẹ ovbiẹre ghe Jesu, zẹvbe ọba nọ khian gha kha vbe arriọba ọghẹe.—Tie Arhie Maan 11:15.
Ghee vidio nọ mwẹ uhunmwuta nọ khare wẹẹ De Emwi Ne Arriọba Osanobua Khin?
2. Vbọzẹ ne ukpo Ọba na khẹke Jesu?
Ukpo ọba ni keghi khẹke ovbie Osanobua rhunmwuda, ọmwa nọ mwẹ ekhọesi, nọ vbe dobọ mu emwi nọ gbae ẹre nọ. (Matiu 11:28-30) Deba ọni, ọ mwẹ ẹtin nọ gha ya ru iyobọ ne emwa rhunmwuda, ẹrinmwi ẹre ọ khian ke gha kha yan agbọn na. Vbe iyeke vbe ọ rriọkpaegbe nẹ, ọ na gha rhie ẹrinmwi, ọ na ghi tota vbe oberhọmwa ọghe Osanobua gha khẹ. (Hibru 10:12, 13) Vbọ ghi se ẹghẹ, Osanobua na ghi rhie ẹtin nẹ, nọ ya suẹn gha kha.—Tie Daniẹl 7:13, 14.
3. De emwa ni khian deba Jesu kha zẹvbe Ọba?
Ẹbu na tiẹre ‘emwa ni huanrẹn’ gha deba Jesu kha zẹvbe Ọba vbe ẹrinmwi. (Daniẹl 7:27) Emwa ni rre ne usun vbe ẹbu emwa ni huanrẹn na ka wa gha zẹ, keghi re avbe ukọ ọghe Jesu ni mwẹ amuẹtinyan. Te Jehova ye hannọ zẹ, ikpia vbe ikhuo ni mwẹ amuẹtinyan zẹvbe emwa ni huanrẹn do se ẹghẹ nima ye na. Vbene ọghe Jesu vbe gha ye, a gha huẹn iran zẹvbe emwa ni mwẹ egbe ọghe orhiọn.—Tie Jọn 14:1-3; 1 Kọrinti 15:42-44.
Inu emwa ẹre ọ rhie ẹrinmwi? Jesu keghi tie iran ‘oghẹn nekherhe.’ (Luk 12:32) Iran hia na gha re 144,000. Iran gha deba Jesu kha zẹvbe ọba yan agbọn na.—Tie Arhie Maan 14:1.
4. Vbọ sunnu vbe ẹghẹ ne Jesu ya suẹn gha kha zẹvbe Ọba?
Arriọba Osanobua suẹn gha kha vbe ukpo 1914. * Emwi ne Jesu ka wa ru vbe ọ rrie Ọba ọre wẹẹ, ọ na wa khue Setan kevbe avbe ugbogiorinmwi ọghẹe gha die otagbọn na. Ke ẹghẹ ni gha de, egbe na ghi kaẹn. Setan na ghi suẹn gha sie ẹti vbe ọlọghọmwa ye ehe hia vbe otagbọn. (Arhie Maan 12:7-10, 12) Ke ẹghẹ ni gha de, te orueghe ọghe emwa nagbọn ghi wa tua sayọ. Okuo, ohanmwẹ, emiamwẹ ọgbagbọn, kevbe ugbohiotọ, keghi deba usun ‘ama’ nọ rhiẹre ma wẹẹ, ne Arriọba gha rherhe suẹn gha kha yan agbọn na.—Tie Luk 21:7, 10, 11, 31.
5. De emwi ne Arriọba Osanobua he ru?
Lekpae ikporhu na kpe vbe otagbọn hia, Arriọba ọghe Osanobua vbe ẹghẹ na nia, keghi ku oghẹn ne gbii ni ke agbọn ẹvbo ughughan rre kugbe. Emwa ọmẹhẹ nibun nia keghi rhie egbe iran ye ototọ ukhamwẹ ọghe Jesu. Arriọba ọghe Osanobua gha ye ugue gu iran vbe ẹghẹ nọ gha ya guọghẹ agbọn dan na. Emwa ni hoo niran miẹn afiangbe ọghe Arriọba ọghe Osanobua, ghi suẹn gha ruọre, emwi nọ khẹke niran ru zẹvbe emwa ni rre ototọ ukhamwẹ ọghe Jesu.—Tie Arhie Maan 7:9, 14, 16, 17.
Vbuwe ẹghẹ ukpo 1,000, ne Arriọba gha yae khian nọ mwẹ amusẹ, emwamwa ne Osanobua mwẹ ne emwa nagbọn ke otọ gha de. Otagbọn hia ghi do khian e paradais. Vbe okiekie, Jesu ghi werriegbe mue ne Arriọba nẹ erhae. (1 Kọrinti 15:24-26) De ọmwa nu hoo nu kporhu iyẹn nọma ọghe Arriọba Osanobua ma?—Tie Psalm 37:10, 11, 29.
^ okhuẹn 6 Adeghẹ u hoo nu rẹn sayọ vbene akhasẹ e Baibol ya tae yotọ hẹ emwi nọ khian sunnu vbe ukpo 1914, ya ghe ipapa 217-220 ọghe ne ebe What Can the Bible Teach Us?
