April 1-7
PSALM 23-25
Ihuan 4 Kevbe Erhunmwu | Ẹmwẹ Ọghe Omuso (Ifuanro 1)
1. “E Jehova Ọre Ọsuohuan Mwẹ”
(Ifuanro 10)
E Jehova keghi su ima (Psm 23:1-3; w11 5/1 31 ¶3)
E Jehova gbogba ga ima (Psm 23:4; w11 5/1 31 ¶4)
E Jehova rhie evbare ne ima (Psm 23:5; w11 5/1 31 ¶5)
E Jehova gbaroghe eguọmwadia re, zẹvbe ne ọsuohuan nọ mwẹ ekhọe esi ya gbaroghe ohuan ọghẹe.
NỌ EGBUẸ WẸẸ, ‘De vbene Jehova he ya gbaroghe mwẹ hẹ?’
2. Emwi Ewe Ọghe Orhiọn
(Ifuanro 10)
Psm 23:3—Vbọ re “odẹ ẹmwata,” vbọ khian vbe ru iyobọ ne ima, ne ima ghẹ la hin vbọ rre? (w11 2/15 24 ¶1-3)
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Psm 23:1–24:10 (th iruẹmwi 5)
4. U Gha Khian Suẹn Gha Gu Emwa Guan
(Ifuanro 3) IKPORHU ỌGHE ẸGHẸ KE ẸGHẸ. Deghẹ ọmwa na tama ruẹ wẹẹ, ẹko i zẹdẹ rhiẹnrhiẹn irẹn ye odẹ ne emwa nagbọn ya mu uhunmwu otagbọn na rhia, u ghi tie ako ọghe Baibol ọkpa ma rẹn, ne u ya rhie igiọdu nẹẹn. (lmd iruẹmwi 2 uhunmwu ẹmwẹ 5)
5. Rhie Obọ Lelẹe
(Ifuanro 4) KE OWA YA SẸ OWA. U ghi ma ọmwa nọ miẹn ruẹ ebe ẹmu na tie ẹre Sọyẹnmwẹ Arrọọ Vbe Etẹbitẹ! vbene ima ya loo ebe ẹmu na, ya gu emwa ruẹ e Baibol hẹ. (lmd iruẹmwi 9 uhunmwu ẹmwẹ 3)
6. Ya Emwa Khian Erhuanegbe
(Ifuanro 5) lff iruẹmwi 14 uhunmwu ẹmwẹ 4 (lmd iruẹmwi 11 uhunmwu ẹmwẹ 3)
Ihuan 54
7. Ma I Danmwehọ Urhu Erhunmwuyẹn
(Ifuanro 15) Ọta na koko zẹ iro yan.
Avbe ohuan rẹn urhu ọghe ọmwa nọ su iran, irẹn ẹre iran vbe lele. Sokpan, te iran lẹẹ ne orhunmwuyẹn rhunmwuda, iran ma rẹn urhu ẹre. (Jọn 10:5) Erriọ ima vbe ya danmwehọ e Jehova kevbe Jesu ni re ọsuohuan ọghe ima ne ima mu ẹtin yan kevbe ni hoẹmwẹ ima. (Psm 23:1; Jọn 10:11) Sokpan, ma i danmwehọ urhu ọghe avbe erhunmwuyẹn ni hoo ne iran ya “ẹmwẹ ohoghe ne iran ta,” gbe amuẹtinyan ọghe ima mu otọ.—2 Pit 2:1, 3.
Ebe Gẹnẹsis uhunmwu ẹnrẹn eha guan kaẹn ẹghẹ okaro na ya họn urhu orhunmwuyẹn vbe uhunmwu otagbọn na. Esu keghi loo ẹyẹn ya gu e Ivi guan, ne Ivi ghẹ mieke na rẹn ọmwa nọ gele gu ẹre guan. Ọ na ba ru vbe na miẹn wẹẹ ọsie Ivi ẹre irẹn khin. Ọ na fi ẹmwẹ ne Jehova tae werriẹ, ọ na vbe mu ohoghe ba re. Evbọ da ọmwa nọ wẹẹ, Ivi keghi danmwehọ Esu. Ọna keghi si ọlọghọmwa nọkhua ne Ivi kevbe ẹgbẹe ọre.
Vbe ẹdẹnẹrẹ, Esu keghi ru emwi ughughan ne ima mieke na gha gbawawẹ vbekpa e Jehova kevbe otu ọghẹe. Odẹ ọkpa nọ ya ru ọna, ọre nọ na loo emwa ya ta ẹmwẹ ohoghe, ẹmwẹ dan kevbe ẹmwẹ nọ ma gba vbekpa e Jehova kevbe otu ọghẹe. Ma gha họn urhu erhunmwuyẹn, ọ ma khẹke ne ima danmwehọ hiehie! Ọ gha khọnrẹn wẹẹ ovbi ẹghẹ kherhe ẹre ima ya danmwehọ iran, rhunmwuda wẹẹ ima hoo ne ima rẹn emwi eso, ọ sẹtin zẹ ẹbe. Inu ẹmwẹ e Setan tae, nọ ya mu Ivi rẹrẹ vbe ovbi ẹghẹ kherhe ne iran ya guan? (Gẹn 3:1, 4, 5) Vbọ khẹke ne ima ru deghẹ ọmwa ne ima rẹnrẹn, nọ hoẹmwẹ ima kevbe nọ te hoo nọ ru iyobọ ne ima, na gha hoo nọ mu iyẹn nọ ma gba ma ima, vbekpa otu e Jehova?
Kpee VIDIO na Ghẹ Danmwehọ “Urhu Erhunmwuyẹn.” Iyeke ọni, u ghi we ne etẹn zẹ ewanniẹn ye inọta na:
De emwi ne u miẹn ruẹ vbe emwi ne Jade ru, vbe ẹghẹ ne iyẹe nẹi re Osẹe Jehova ya gha hoo nọ mu iyẹn eso ni ma gba ma rẹn, vbekpa Avbe Osẹe Jehova?
8. Iruẹmwi E Baibol Ọghe Iko
(Ifuanro 30) bt uhunmwuta 8 ¶1-4, ẹkpẹti ni rre ipapa 61-62
