April 29–May 5
PSALM 34-35
Ihuan 10 Kevbe Erhunmwu | Ẹmwẹ Ọghe Omuso (Ifuanro 1)
1. “Gha Rho E Jehova Vbe Ẹghẹ Hia”
(Ifuanro 10)
Te Devid ye gha rho e Jehova, uhiẹn vbe ọ rre uwu ọlọghọmwa (Psm 34:1; w07 3/1 22 ¶11)
E Devid kegha ya e Jehova rhuọ, ọ ma gha kha wẹẹ, a i ta ne irẹn ye (Psm 34:2-4; w07 3/1 22 ¶13)
Urhomwẹ ne Devid ghaa rhie ne Jehova kegha rhie igiọdu ne emwa ni lẹga ẹre (Psm 34:5; w07 3/1 23 ¶15)
E Devid ghi kpa hin eke ne Abimẹlẹk ye rre nẹ, ikpia 400 ni ghaa mu ohu Ọba e Sọl na do deba ẹre vbe uwu ato. (1 Sam 22:1, 2) Ọ gha kẹ, ẹmwẹ ikpia na ẹre ọ ghaa rre Devid ekhọe, vbe ọ gbẹn ẹmwẹ nọ rre ako na.—Ifiẹmwẹ na gbẹnnẹ ye omuhẹn ọghe Psalm 34 vbe New World Translation.
NỌ EGBUẸ WẸẸ, ‘Vbia khian ya rhie urhomwẹ ne Jehova hẹ, vbe imẹ vbe ọmwa ghaa guan vbe I gha dọlegbe yo iko?’
2. Emwi Ewe Ọghe Orhiọn
(Ifuanro 10)
-
Psm 35:19—Vbe Devid a yae kha vbe ọ rinmwian e Jehova, nẹ ghẹ gi emwa ni khuiwu irẹn gha bunnọ aro? (w06 5/15 20 ¶2)
-
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Psm 34:1-22 (th iruẹmwi 5)
4. U Gha Khian Suẹn Gha Gu Emwa Guan
(Ifuanro 2) IKPORHU ỌGHE ẸGHẸ KE ẸGHẸ. Ẹkpotọ ma kie nuẹn ya kporhu ma ọmwa ne u gu guan, vbene uwa te guan fo. (lmd iruẹmwi 1 uhunmwu ẹmwẹ 4)
5. Rhie Obọ Lelẹe
(Ifuanro 4) IKPORHU ỌGHE ẸGHẸ KE ẸGHẸ. (lmd iruẹmwi 2 uhunmwu ẹmwẹ 4)
6. Rhan Otọ Emwi Ne U Yayi
(Ifuanro 5) Orhiema. ijwfq 59—Uhunmwuta: De Vbene Avbe Osẹe Jehova Ya Rẹn Ugie Nọ Ma Khẹke Ne Iran Na Gha Mwẹ Obọ? (th iruẹmwi 17)
Ihuan 59
7. Odẹ Eha Ne Ima Gha Ya Sẹtin Rhie Urhomwẹ Ne Jehova Vbe Ima Ghaa Rre Iko
(Ifuanro 15) Ọta na koko zẹ iro yan.
Ma ghaa rre iko, ẹkpotọ nibun wa kie ne ima, ne ima ya gha rhie urhomwẹ gie Jehova. Eha vbọ ẹre ima khian guan kaẹn na.
Ma ghaa gu emwa ọvbehe guan: Gha guan kaẹn vbene Jehova maan hẹ, vbe u ghaa gu emwa ọvbehe guan. (Psm 145:1, 7) Ọ mwẹ olika ẹmwẹ eso ne u họẹn ra ne u tiere nọ ru iyobọ nuẹn ra? Ọ mwẹ emwi eso nọ sunu vbe ikporhu nọ wa kakabọ yẹẹ ruẹ ra? Ọ mwẹ emwi ne ọmwa ọvbehe tae ra nọ ru, nọ rhie igiọdu nuẹn ra? U miẹn emwi rhọkpa ne Jehova yi nọ wa kakabọ yẹẹ ruẹ ra? Ẹse ọhẹ nọ ke obọ e Jehova rre, ẹre ena hia khin. (Jems 1:17) Hia ne u rherhe gha sẹ iko, ne u mieke na miẹn ẹghẹ ya gha gu emwa ọvbehe guan.
Ewanniẹn na zẹ: U ghi hia ne u gha zẹ ewanniẹn vbe iko, a gha wẹẹ uhukpa nọ. (Psm 26:12) U sẹtin rhie ewanniẹn ye ọta na nọ rẹn ra u ghi sunu ye olika ẹmwẹ ọvbehe nọ dekaẹn ọta na nọ rẹn, ako ọghe Baibol, efoto ra vbene a khian ya rhie uhunmwu ẹmwẹ nọ rre ẹmwẹ na zẹ iro yan ye uyinmwẹ hẹ. Ugbẹnvbe a miẹn wẹẹ, emwa nibun sẹtin vbe niẹn obọ vbe ẹghẹ ne u khian ya niẹn obọ, u ghi hia ne u mu egbe ewanniẹn nibun yotọ. Deghẹ ima na gha hia ne ewanniẹn ọghe ima ghẹ gberra ibuanro 30, ọ gha kie ẹkpotọ ne emwa ọvbehe ya sẹtin gha “rhie urhomwẹ gie Osanobua.”—Hib 13:15.
Ihuan na so: Gha ya ekhọe hia so ihuan vbe u ghaa rre iko. (Psm 147:1) Egbọre ẹkpotọ i khian kie nuẹn ya gha zẹ ewanniẹn vbe iko vbe ẹghẹ hia, katekate deghẹ etẹn na gha bun vbe iko ne u ye, sokpan, u gha sẹtin gha so ihuan vbe ẹghẹ ke ẹghẹ ne u ya rrie iko. Ọ gha khọnrẹn ne u gha roro ẹre wẹẹ u i gua so ihuan, adeghẹ u na ye hia vbene ẹtin ruẹ sẹ, ọ gha ya ẹko rhiẹnrhiẹn e Jehova! (2 Kọr 8:12) U sẹtin vbe hia ne u ruẹ avbe ihuan nii yotọ vbe owa.
Kpee VIDIO na Alaghodaro Nọ Rre Otu E Jehova—Avbe Ihuan Ọghe Ima, Abọ 1. Iyeke ọni, u ghi we ne etẹn zẹ ewanniẹn ye inọta na:
De vbene otu e Jehova ya rhie ẹre ma hẹ vbe ẹghẹ nọ gberra wẹẹ, na gha so ihuan urhomwẹ gie Jehova wa kakabọ ru ekpataki?
8. Iruẹmwi E Baibol Ọghe Iko
(Ifuanro 30) bt uhunmwuta 9 ¶1-7, omuso ọghe abọ 3, kevbe ẹkpẹti nọ rre ipapa 70
