Yesu ye min kɛ

Yesu ka misali bɛ an kalan mun de la?

2. An ka kan ka muɲuli kɛ bawo mɔgɔw bɛɛ tɛ kelen ye, dɔw bɛ waati caman ta ka tɛmɛn dɔw kan ka sɔrɔ ka sɔn kibaru duman na.

 Yesu ladege

3. A ɲini ka a tigi waaju cogoya wɛrɛ la. N’a tigi ma sɔn Bibulukalan na o yɔrɔnin bɛɛ la, i kana a diyagoya. N’a bɛnnen don tuma min na, i ka baara kɛ ni wideyow walima barokun dɔw ye walisa ka a tigi dɛmɛ a k’a faamu Bibulukalan bɛ kɛ cogo min na ani o bɛ se ka a nafa cogo min na.

4. Kana mɔgɔw sanga ɲɔgɔn ma. Mɔgɔ si ni si tɛ kelen ye. Ni aw ka denbaya kɔnɔmɔgɔ dɔ walima i ka segin-ka-bɔnyew dɔ bɛ ka sigasiga ka Bibulukalan kɛ walima ka sɔn Bibulu kalansira dɔ la, i yɛrɛ ɲininka ko: A bɛ se ka kɛ ko mun de la o sigasiga b’a la? Yala a dusukun nɔrɔlen bɛ kosɛbɛ diinɛ dɔ ka dannayakow la wa? Yala a somɔgɔ walima a sigiɲɔgɔnw de bɛ ka a tɔɔrɔ wa? Waati di a ma a k’a hakili jagabɔ fɛnw kan i ye minnu fɔ a ye ani ka Bibulu ka fɔtaw nafa ye.

5. Kibaru duman ka di minnu ye, to ka delili kɛ olu ye. Jehova deli a k’i dɛmɛ i ka kow ye yecogo ɲuman na, ani ka kow kɛ ni bonya ye. Jehova deli a k’i dɛmɛ i k’a dɔn waati min na kibaru duman man di fewu-fewu i barokɛɲɔgɔn ye, ani i ka kan ka a ka segin-ka-bɔnyew dabila waati min na.—1 Kɔrɛntekaw 9:26.