ƝININKALI 3
Ne bɛ se ka kuma ni ne bangebagaw ye cogo di?
I BƐNA MUN KƐ?
I hakili jagabɔ nin ko in kan: Nin kɛra arabadon wulada dɔ fɛ, Geoff min si bɛ san 17 la, tilara a ka baaraw la, ani ka i sigi walasa k’a sɛgɛn lafiɲɛ bɔ waatinin kɔnɔ! A ye tele kɛ a la ani ka i sigi ka i jan a ka fotɛyi kɔnɔ min ko ka di a ye kosɛbɛ.
O waati la, bwa bɛ don salon kɔnɔ a nisɔngoyalen.
“Geoffrey! Mun na i bɛ ka i ka waati tiɲɛ tele lajɛ la k’a sɔrɔ i tun ka kan ka i dɔgɔkɛ dɛmɛ a ka devuwariw la? Ni fɛn min fɔra i ye i tɛ o kɛ fewu!”
“A dabɔra tuguni,” Geoff bɛ dajurukɔrɔ kumaw kɛ fanga la fo a fa bɛ a mɛn.
A fa bɛ i jɛngɛ ani k’a fɔ ko. “E bɛ ka mun de fɔ, Geoffrey?”
“Foyi bwa,” Geoff bɛ o fɔ ni ŋuna ye a ɲɛ kɔrɔtalen sanfɛ.
Sisan kɔni a fa dimina yɛrɛ de. A b’a fɔ a ye k’a gɛlɛya ko “kana kuma ne fɛ tan cogo la!”
Ni e de tun ye Geoff ye, e tun bɛ se ka i tanga cogo di nin mankan in ma?
WAATI TA KA I HAKILI JAGABƆ!
Ka kumaɲɔgɔnya kɛ i n’i bangebagaw cɛ, o bɛ iko mɔbili boli. N’i sera fɛn ma min bɛ i bali ka tɛmɛ, i bɛ sira wɛrɛ ta.
MISALI LA:
Npogotigi dɔ min tɔgɔ ko Lea y’a fɔ ko, “a ka gɛlɛn ne ka se ka kumaɲɔgɔnya don ne ni ne fa cɛ. Tuma dɔw la ka ne to kuma la a fɛ, a bɛ sin k’a fɔ ten, ‘hakɛto, e bɛ ka kuma ne fɛ wa?’ ”
COGOYA SABA ƝƆGƆN DE BƐ LEA BOLO.
-
Ka pɛrɛn a fa kunna.
Lea bɛ pɛrɛn, “Tiɲɛna, a nafa ka bon, ne lamɛn”!
-
Ka ban ka kow ɲɛfɔ a ye.
Lea bɛ a ɲini dɔrɔn ka ban ka a ka kunko ɲɛfɔ a fa ye.
-
A bɛ waati bɛnnen ɲini walasa ka kuma o kan tuguni.
Lea bɛ kuma a fa fɛ.
Nin kɛcogoya ninnu na, e bɛna a fɔ ko Lea ka jumɛn de sugandi?
JATEMINƐ KƐ: Lea fa hakili tun bɛ fan wɛrɛ fɛ—o la, a m’a jateminɛ ko gɛlɛya bɛ Lea kan. O la ni Lea ye cogoya A sugandi, a bɛ se ka kɛ ko a fa tɛna a dɔn kun min na a bɛ ka pɛrɛn a kunna. A bɛ se ka kɛ ko o cogoya in tɛna a to Lea fa ka sɔn ka a ka kuma lamɛn, wa o cogoya in tɛna bonya ni danbe da a fa kan. (Efesekaw 6:2) O la, tiɲɛ yɛrɛ la, nin kɛcogoya in tɛna nɔ foyi bɔ.
Iko i mankan k’a to cogo min na fɛn dɔ ka i bali ka tɛmɛn sira kan, o cogo kelen na i bɛ se ka cogo sɔrɔ ka kuma i bangebagaw fɛ
Cogoya B bɛ sɔn ka kɛ cogoya nɔgɔnma ye, nka o tɛ hakilitigiya ko ye. Mun na? Ka d’a kan ni Lea b’a fɛ ka se sɔrɔ a ka gɛlɛyaw kan, a ka kan ka kuma ni a fa ye—wa walasa ka se k’a den dɛmɛ, Lea fa ka kan k’a dɔn fɛn minnu bɛ ka kɛ Lea la a ka ɲɛnamaya kɔnɔ. O la, ka ban ka kuma o tɛ foyi ɲɛnabɔ.
Cogoya C kɔni na, Lea tɛ a to fɛn k’a bali ka se ka kuma a fa fɛ. O de kama, a bɛ a ɲini ka kuma a fa fɛ waati wɛrɛ la. Ni a kumana a fa fɛ, o b’a to Lea bɛ lafiya kɔfɛ.
Cogoya C bɛ Lea ni a fa fila bɛɛ nafa. A ye kuma kɛli min kɛ a fa fɛ, o bɛ Bibulu tɛmɛnsira dɔ waleya ni o ye “an ka tugu hɛrɛ kow nɔfɛ”.—Romɛkaw 14:19.
Lea tun bɛ se ka cogoya wɛrɛ jumɛnw de sugandi?
Ni i hakili bɛ cogoya dɔ la, o sɛbɛn duguma. O kɔ, o cogoya in bɛ se ka na ni fɛn min ye o fana sɛbɛn.
AW YE AW TANGA KUMA BƐNBALIW FƆLI MA
Aw ye a to aw hakili la ko aw bɛ min fɔ ani aw bangebagaw bɛ min faamu aw ka o kuma kɔnɔ, olu tɛ kelen ye tuma bɛɛ.
MISALI LA:
I bangebagaw bɛ ka i ɲininka ko mun na i nisɔn man di. Ni i y’a fɔ ko “ne t’a fɛ ka kuma o ko kan.”
I bangebagaw bɛ se k’a faamu ko i ko: “Ne ma da aw la kosɛbɛ walasa ka ne ka kow fɔ aw ye. Ne bɛna o gɛlɛya ɲɛfɔ ne teriw ye, nka ne tɛna o ɲɛfɔ aw ye.”
E k’i miiri ko i bɛ gɛlɛyaba dɔ kɔnɔ, ani ko i bangebagaw b’a fɛ ka i dɛmɛ. Nka e ko: “Aw kana jɔrɔ. Ne yɛrɛ bɛ se ka o ɲɛnabɔ.”
-
I bangebagaw bɛ se k’a faamu ko i b’a fɛ ka mun fɔ?
-
E tun bɛ se ka jaabi bɛɛ la ɲuman jumɛn di?
Ninnu fana lajɛ
FUNANKƐW BƐ ƝININKALI MINNU KƐ
Ne nin n’bangebaaw bɛ se ka bɛn cogo di?
A ɲini ka fɛn duuru don minnu bɛ se ka bɛnbaliya dɔw ban ani ka dɔw nɔgɔya minnu bɛ kɛ i n’i bangebaaw cɛ.
FUNANKƐW BƐ ƝININKALI MINNU KƐ
Yala ne ye mɔgɔ ye min bɛ a jɔyɔrɔ fa wa?
Funankɛ dɔw bɛ yɛrɛmahɔrɔnya sɔrɔ joona ka bɔ u bangebaaw yɔrɔ, ka tɛmɛn dɔw kan. O danfara bɛ se ka bɔ mun de la?
