Mun bɛ saya kɔfɛ?
Bibulu bɛ jaabi min di
Bibulu b’a fɔ ko: “Mɔgɔ ɲɛnamaw kɔni b’a dɔn ko u bɛ sa nka mɔgɔ salenw tɛ foyi dɔn.” (Waajulikɛla 9:5; Zaburu 146:4) O la, ni an sara, an tɛ ɲɛnamaya la tun. Mɔgɔ salenw tɛ se ka miiri, ka wale kɛ, walima u tɛ bɔ foyi kalama.
“I na kɔsegin buguri la”
Ni an sara fɛn min bɛ kɛ, Ala ye o ɲɛfɔ tuma min na a kumana cɛ fɔlɔ Hadama fɛ. Ikomi Hadama ye kanbilali kɛ, Ala y’a fɔ a ye ko: “I ye buguri ye, i na kɔsegin buguri la.” (Jenɛse 3:19) Sani Ala ka Hadama “dila dugukolo buguri la”, Hadama tun tɛ yen. (Jenɛse 2:7) O cogo kelen na, tuma min na Hadama sara, a kɔseginna buguri la wa a ye ɲɛnamaya dabila.
O kelen de fana bɛ kɛ mɔgɔw la minnu bɛ sa bi. Bibulu kumana hadamdenw ni baganw ko la tan cogo la: “U bɛɛ bɔra buguri la, u bɛɛ na kɔsegin buguri la.”—Waajulikɛla 3:19, 20.
Saya tɛ fɛn bɛɛ laban ye jagoya la
Tuma caman, Bibulu bɛ saya sanga ni sunɔgɔ ye. (Zaburu 13:3, MN; Yuhana 11:11-14; Kɛwalew 7:60, MN) Mɔgɔ min sunɔgɔlenba don, o tigi tɛ bɔ fɛnw kalama minnu bɛ kɛ a kɛrɛfɛ. O cogo kelen na, mɔgɔ salenw tɛ foyi kalama. O n’a ta bɛɛ, Bibulu b’a fɔ ko Ala bɛ se ka mɔgɔ salenw lakunun, iko mɔgɔ sunugɔbatɔ bɛ lakunun cogo min na ani ka ɲɛnamaya di u ma kokura. (Job 14:13-15) Ala bɛna mɔgɔ minnu suw lakunun, saya tɛ fɛn bɛɛ laban ye olu bolo.
Ninnu fana lajɛ
ESSENTIAL BIBLE TEACHINGS
Suw cogoya ye jumɛn ye?
Bibulu ye waati dɔ layidu ta, min na mɔgɔ caman bɛna lakunun ka bɔ saya la iko o kɛra Lazarɛ ye cogo min na.
ƝININKALI MINNU SINSINNEN BƐ BIBULU KAN OLU JAABIW
Mun na mɔgɔw bɛ sa?
Bibulu bɛ jaabi min di ka ɲɛsin nin ɲininkali ma o bɛ dusudon kɔnɔ ni jigiya di.
BIBULU KALANSIRAW
An ka Bibulukalan sifilɛ k’a lajɛ
Bibulukalan min bɛ mɔgɔ nafa, o sɔrɔ fu la mɔgɔ dɔ fɛ min bɛ i kalan.