1. Bi bili abui b’amu ya vak,

Bi vo’o lañ akume dangan.

Bidima bi biôme ya si se

Bia zu kô’ôlan ava’a dangan!

Ava’a dañ da so bia be Zambe,

Bia labe de kalate wé.

Môs ôse bia kañ’te Mejô mé;

Bia bo fe mame bi nga yé’é.

Ava’a dangan nde da ve bia ngul

Ya jibi bitua meve’ele.

Ja’a Satan a bo jé bi yeme,

A ngule ja so be Zambe.

 2. Éyoñ bia fombô biôm a nga té

Ataté si akekui yôp:

Asôé, bekos, anon, akeke . . .

Bia kute Zambe woñ mekôp.

Bia kañ’te foé ya Éjôé Zambe

A ayok, a ayôñ ése.

Bia wô’ô mvaé ya kate bôte na

Éjôé Yéhôva é ntele.

Bibotan Éjôé ja ye soo bie

Bia ye tabe melu mese.

Yah a ka’ale fe bia mfef’ émo

Bia ye wu a mvaé nnôm éto!