1. Bia kabetane Yéhôva,

Môs ôse bia wulu zene jé.

Ngo’o abime mvam a liti

Ba ba tôñe bibô’a mebo bié!

Yah a veya bia biôm bise;

Zambe woñ a nyane bia.

Bia ve biabebiene ngumba,

A Yéhôva nyoñe’e fo’o bia!

2. Satan a bili bet’ ayaa

Amu asu’ulan e ntoo bebé;

A bo bia ngule mewosan

Na bi koo woñ, na bi bame fé.

Ve Yéhôva a ba’ale bia,

Bia ye subu nye bebé;

Bia ye kañe nye nnôm éto,

Bia ye ke kôlô zene jé.

3. Yah a belane mame ma:

Mbamba nsisim, Kalate Zambe;

A belane fe akônda,

A jô bia na bi ye’elane nye.

Mam mete mme ma volô bia

Na bi subu nye bebé,

Na bi ba’ale élat a nye,

Na bi wulu mezene mé.