Ngone tane ya mbu 2022 é to melu 23, Organisation Mondiale de la Santé (OMS) a nga jô na bôte million 6.27 be nga wu COVID-19. Ve da, mefoé be nga kuli ngone 5 ya mbu 2022 é to melu 5, OMS a nga jô na abime bôt é nga wu é mbe abui a lôt abime bia yem. A jô na ataté mbu 2020 akekui mbu 2021 “abime bôt é nga wu ébubua ôkon COVID-19 nge ke akon é tyi a nye . . . é mbe bebé bôte million 14.9.” Ye Bible a jô jôm éziñ a lat a bibubua?

•    Yésus a nga jô na bibubua bi akon nge ke “mbia be akon” ba ye kui éyoñe ba loone na “melu me asu’ulan.”—Luc 21:11; 2 Timothée 3:1.

 Nkulan ajô Yésus wo tôébane den. Nge wo kômbô yem abui mam afe, lañe’e nlô ajô ô ne na, Quel est le signe des « derniers jours », ou « temps de la fin » ?

•    “Zambe ya mvolane minlem ôse . . . nnye a volô bia minlem nju’u wongan ôse été.”—2 Becorinthien 1:3, 4.

 Abui bôte ya ba be nga jañele bôte ba nye’e, é nga bi mvolane minlem a zene ya foé ya Bible. Nge wo kômbô yem abui mam afe, lañe’e minlô mejô mi: “E dañe mintaé: Jam ô ne taté na wo bo” a “Mvolane wo yian asu bôte be bili awu.”

•    “[Éjôé jôé] é za’ak. Mam wo anye’e me bo’o si nyô, aval ane me [abobane] yôp.”—Matthieu 6:10.

 Ana’ana “[Éjôé] Zambe” ja ye bo na “môt [éziñ] a bo teke jô na, ‘M’akon.’” (Marc 1:14, 15; Ésaïe 33:24) Fombô’ô vidéo a ne nlô ajô na: Éjôé Zambe é ne jé? asu na ô yem jé é ne éjôé ya yôp éte a mame ja ye bo.

 Bia ye’elane wo na ô tu’a fak mame Bible a jô asu na, wo a nda bôte jôé ése mi bu’ubane mbamba melep a mbamba bengaka’a be ne été.