KELANÉ ÔSU A MOMBÔ!
Jé Kalate Zambe a jô a lat a beta bisep?
“Chine a bili ayôñe ‘da dañe ngul,’ a ne fe nlame lale éyoñe ba ta’a minlame mi bili beta bisep.”—The Guardian, Ngon ébulu é too melu 7, mbu 2022.
“Den a ntoo mimbu mitan viane wo bibi nlak ya Afrique.”—UN News, Ngone muamô é too melu 26, mbu 2022.
“Éyoñe ba kap Europe ngap élal, mengabe mebaé ma juk abui étome beta ésep, ésep éte é ne ji é dañeya bo ngul a bisep bise den a ntoo mimbu 500.”—BBC News, Ngone muamô é too melu 23, mbu 2022.
Abui beyeme mame da jô na bia ye ke ôsu a yen avale bisep éte, a na bia ye ke ôsu a dañe bo ngul ane éyoñe ja lôt. Ye bi ne tabe ndi na mame ma ye bo mvo’é melu ma zu? Jé Kalate Zambe a jô?
Bisep a minkulane mejô ya Bible
Kalate Zambe a nga jô na e melu mangan:
‘Bemfumbale ya zaé . . . ba ye bo bevôme bevôm.’—Luc 21:11.
Bisep bi wô’ô soo bemfumbale ya zaé. Minjuk a awu bia so avale bemfumbale ya zaé éte bia tôé nkulan ajô ya Bible.—Nlitan 6:6, 8.
Amu jé bisep bi ne ve nenenen a bo ngul?
Kalate Zambe a kate bia amu jé bisep bi ne ve nenenen a bo ngul. A jô na:
“Ñyeman ô nji bo nleme môt été, ane a ye wulu zene jé.”—Jérémie 10:23.
Nalé a tinane na, bôte binam be se ngule ya “wulu zene [jap],” nge jôé bebien. Fatan éjôé jap é wô’ô soo bisep a njembane mendim.
Abui beyeme mame da jô na mame bôte ba bo me teléya émo ji mbia été, bisep bi yametaneya si ése.
Ôzañ akum a fulu ya bo teke tak mam asu melu ma zu bia tindi bôte na be mane tyik bilé, be ndamane si a na be dimine belane biôme Zambe a nga té. Mame mete mese ma bo na mendime me jemban.
Ve Kalate Zambe a ve bia ndi nlem.
Ye ndi nlem éziñ é ne asu melu ma zu?
Bible a ka’ale bia na Zambe é bo na bi bi mendime ne vôô nat. Aval avé?
1. Zambe a ye “ndamane ba ba ndamane si.” (Nlitan 11:18) A ye vaa jame da ya mame ma bo na bi jembane mendim: mbia be bôt, bôte be ne ôzañ akum, mbe bete ba ndamane si.—2 Timothée 3:1, 2.
2. ‘Si ja wôk évé ja ye bo menjeñe mendim.’ (Ésaïe 35:1, 6, 7) Zambe a ye mane kôme mbia be mame bese bisep bia soo bie a bo na si nyi é bo paradis, mbamba vôme mendime ma sôé.
3. ‘Wo jome si, a ve je mendim, wo dañe ve je biôm abui.’ (Besam 65:9) A ébotane Zambe, si ja ye bi abui mbamba bidi a mendime me ne mfuban asu bôte bese.
You May Also Like
ESSENTIAL BIBLE TEACHINGS
Amu jé Yéhôva a nga té si?
Si jangan é ne nya abeñe. É nji dañe bo ôyap nge bebé a nlô jôbô, é nji bo anen nge tyôtyoé a dañe abime da yian, ja tiñelane fe abim avôl da yian. Amu jé Yéhôva a nga ve abime ngul éte ése na a té si?
BI NE BEZA?
Sili njoman
Laan ajô ya nsili Bible a yalan, nge ke na yé’é mam a lat a Bengaa be Yéhôva.
