Moné bia belane nye a taté so mimveane Bengaa be Yéhôva bebiene ba bo. * Éyoñe wo ñyine menda bia bo bisulan, wo ye yene minkop mi tele asu môt ase a kômbô bo mvean, nge wo kômbô yeme mevale mefe ô ne bo mimvean, kele’e lañe Nlô ajô wo kobô ajô ete. Wo ye yene mevale mese môt a ne belane me asu na a bo mimveane ya suk ésaé ja bobane si ése, ésaé ya ja bobane si ô too a keke.

Bengaa be Yéhôva be nji bi abime tañe ba yiane ya’ane Ngon ése. (2 Becorinthien 9:7) Bi nji sili bôte ntolé, bi ne teke yemete bôte na be ve ngap awômô, nge sili na be ve moné éyoñe ba duban, nkañete ya éjam mbim, nge wu ya aluk, nge ke asu jam afe da fombô ékaña’a. Bi ne teke bo bibek, nge ke aval ékôan éziñ asu na bi tôkane moné. Bi ne teke yôtane bôt été na kala si kala ka a te bo mimvean. (Matthieu 6:2-4) Anjeñe mefoé dangan, a bekalate bangan be ne teke bi ngume nlô ajô na bi kôbô ajô ya mame me moné bia belane nye.

Ngon ése, mekônda Bengaa be Yéhôva mese me wô’ô kate foé a lat a mam me moné, môt ase a tabe bisulane biangan a ne wô’ô foé éte. Bemvendé ya mekônda ba kate foé mame me moné éyoñ ése asu ya na môt ase a yem avale ba te belane moné ya mimvean.—2 Becorinthien 8:20, 21.

• Minkobe ya Aba Éjôé: Ô ne futi moné nge ke chèque minkobe ya Aba Éjôé, vôme bia bo bitôkan, a bevôme bese bia bo bisulane biangan.

• Mimveane ba bo nkol: Abui mesi ô ne ke anjeñe mefoé dangan, vôm a ne ntilane na “Faire un don en faveur des Témoins de Jéhovah” asu na ô bo mimvean a zene ya carte de crédit, carte banquaire, a mevale mese ô ne bo mimvaen nkol. * Bengaa be Yéhôva béziñ be wô’ô ‘ba’ale abime moné éziñ’ ngon ése, éyoñ éte ba bo mimvean be belane zene jia ya mezene me ne valé.—1 Becorinthien 16:2.

• Taté’é kômesan: Asu na ô bo mevale mimvean éziñ, wo yiane taté komesan, wo yiane fe yeme metiñ ya si wo nyiñ a lat a fatane mvean wo kômbô bo. Nalé a ye volô wo na ô bu’ubane mame metiñe ya si jôé ma fe wo fane ya bu’ubane me. Bôt abui be nga bo nalé, nalé a nga volô be na be tu’a yem mimveane be ne bo éyoñ be ngenan be nyiñi, nge ke mi be ne bo asu éyoñe be wuya. Bia ye’elane wo na ô loone nge ke tili wofise wo tebele ésaé Bengaa be Yéhôva ya si ô too nge wo kômbô yeme mame mefe a lat a mimvean ba bo a mezene ma:

  • Moné a ne wo bank

  • Contrats d’assurances vie

  • Moné

  • Menda a mesi

Nge wo kômbô yeme mame mefe a lat a avale mimvean ô ne bo si ô too, kele’e nlô ajô ô ne na “Faire un don en faveur des Témoins de Jéhovah.”