KWI 10
Ghamde Yaweh, zebe Nsi!
-
1. Ghamde Nsi! Ghamde Yaweh Nsi
Ghù mbe njoñ ben fa lèn lén se!
Nyiʼde nkwa, léʼnjù yantù là,
Ywimde njoñ ben fa bo juʼ foñ se.
Yaweh Nsi yà tshob ngelañ yà te nsi
Ze Mén i aʼ koʼ num diañfen.
Nèn soñ njù sagkuà, nèn soñ mbwô nkùn ni,
Mbotni Nsi zʼa tshwèt mfe Nufen!
(DÙʼ NEBWÔGDE)
Ghamde Nsi! Ghamde Yaweh Nsi!
Ghù bo lèn ze ngùʼ num nsitshaʼ fa!
-
2. Ghamde Nsi! Tshag nze njob neta!
Bo taʼ kwi tsiañde, yob lén se!
Bùʼ nze tù, ndabtʼé njoñ ntùʼo fa,
Nkuni mi bʼaʼ soñ bo fiag wut fa.
Ke mba ndù a ndùb, nke ngù tshu netshàm
Nsi be mfà wut nsi bo bwôntù.
Tà be, Nsi kondèn lèn njoñ nzi be fa;
Nke ndo nsi ngelañ be kuaʼ là.
(DÙʼ NEBWÔGDE)
Ghamde Nsi! Ghamde Yaweh Nsi!
Ghù bo lèn ze ngùʼ num nsitshaʼ fa!
(Mbèn ndôde Yobk. 89:27; 105:1; Yér. 33:11.)
