1. Nke nzin bin Nsi ntùm nebétni;

Be mèn nenùn, ngù nkôni.

Lat num Yaweh Nsi, yab ntù num Nsi o,

Fañ ze neta bèn ntshagdʼo.

Nèn mbwe netshùb Ntshob mi, ntshùb ntù ntshùʼ;

O ke nsi mbi bamntù.

Là kùʼ ntoñ njuʼ mbèn mbét ntshùʼ Nsi

A nsi tshùb buʼo mba mén i.

2. Nke nzin bin Nsi ntùm mat nelàn;

Mbèn nte miag num tshu nelàn.

Ke ngeʼ yàm neshu, ke lañde ghaʼ mbu,

A nsi ywimdʼo nefènntù.

Mba ke lo zʼa bwô nenyàmde là,

Mba tsʼa be nenùn nà,

Nèn mbwe ne nke nkwade tshen tshu,

Ndùlà Nsi nsi be bo wù.

3. Nke nzin bin Nsi bo ntù tsiañde;

Tsiañde nummbʼa bʼa nshun o.

Labtʼé num ba ndaʼ tsʼa fà bo bwôntù

Boa mbotni mi num njoñ léʼ.

Nke nzin bin Nsi, ghù ntù o tsiañde;

Yob ñwade, yob ndabtʼé.

Yu tsiañdʼaʼ laʼde njoñ ben fa,

Mbʼo bʼa ngafaʼ Yaweh Nsi.