Fe nguʼnjù yàme, Ghakwénta Yaweh Nsi naʼ féle, ngabte mbèn mfaʼ bo tsemoʼ ntode Ntshob Nsi nzenze. Ndaʼndù bag naʼ yen mbʼa bwô nekide taʼ tode nswe zʼa kuʼni neywimde benntùn neziʼ koʼ nenùn, mba a be ze nekô Nsi num njoñ benntùn fa là. (1 Timôtio 2:3, 4) Ndùlala, Ntùm nguʼ 1950 bag toʼde nekide bontsit bag Ñwaʼni Nsi ntùm ntshob a fiag nejuʼ là, Traduction du monde nouveau. Yen Ñwaʼni Nsi li, bo todʼé a tsin kuaʼ mebwô, ke kwiʼde ju bwe, ke ne nsébe, ntùm ntshob 160 ntshùade.

A lo nke mbètte taʼ Ñwaʼni Nsi zʼa fiag nejuʼ là. Ngelañ num mbe tôge, ntshob nke mbade, ndùlala tsemoʼ ntode ghù ba ntshob tsʼa ta nejuʼ là ke tse bo keʼ bèn netshob là lo. Bèn mbe mbe, mba bo fon tsemoʼ njwèn nkide tsʼa làn ntsin nà, mbèn ngebte mbañ ba mbwe tse là, yennà ghù mbe bo juʼ Héber, Araméen mba Grikia a be ntùm Ñwaʼni Nsi là kuaʼ mebwô.

A lo nke mbètte taʼ Ntode zʼa tsin bo Ntshob Nsi là. Mba a keʼ bwô neloʼ mfiʼ yub tu num ba nkide Ntshob Nsi là, ghatode Ñwaʼni Nsi ghù netsin num mbwe nkide, ke kwiʼde, ke séb. Là, lén Nsi, Yaweh, keʼ be ntùm mbwoñ ntode Ntshob Nsi.

A lo nke mbètte taʼ Ñwaʼni Nsi zʼa kuʼni mèn zʼa be tu num bwe là. (2 Samuél 23:2) Ntùm Traduction du monde nouveau, bo naʼ mbèn mbaʼ lén Yaweh Nsi num dùʼ i yoñ 7 000 mba a naʼ mbe ntùm ba mbwe nkide Ñwaʼni Nsi mba zʼa be num mfiʼ màtun nà. (Yobkwi 83:18) Tshoʼfaʼ nediag fe nguʼnguʼ, yen Ñwaʼni Nsi li num mfà tsiañde nesiañ à nummbe a tshwèt ngù be juʼ nkwade Nsi kuaʼ mebwô. Kà o ghù Traduction du monde nouveau ntùm mu ntshobe, kà o keʼ ghù lo, bag tshwèt nso kù num o neghù mbwô mat ne nke nsiañ Ntshob Yaweh Nsi njoñ léʼ fa.​—Yoshua 1:8; Yobkwi 1:2, 3.

• Numke bag naʼ ndoʼ mfiʼ mbʼa bètte nekide taʼ Ntode nswe à?

• Zit mat zʼa bwô mbe mba we lo ghù njoñ léʼ fa a be zʼa kô neziʼde ze nekô Nsi à?