Isaias 50:1-11
50 Kini ang giingon ni Jehova:
“Asa ang kasulatan sa diborsiyo+ sa inyong inahan, nga akong gihinginlan?
O kinsa sa mga nagpautang kanako ang akong gibaligyaan kaninyo?
Tan-awa! Tungod sa inyong kasaypanan+ nga kamo gibaligya,Ug tungod sa inyong mga kalapasan ang inyong inahan gihinginlan.+
2 Nan, nganong walay tawo pag-abot nako dinhi?
Nganong walay mitubag dihang mitawag ko?+
Mubo ba kaayo ang akong kamot nga kini dili makatubos,O wala ba koy gahom sa pagluwas?+
Tan-awa! Pinaagi sa akong pagbadlong ang dagat namala;+Gihimo nakong desyerto ang mga suba.+
Ang mga isda niini nabaho kay walay tubig,Ug kini nangamatay tungod sa kauhaw.
3 Gibestihan nakog kangiob ang kalangitan,+Ug gitabonan nako kinig sakong panapton.”
4 Gihatag kanako sa Soberanong Ginoong Jehova ang dila sa mga tinudloan,*+Aron mahibalo ko kon unsaon pagtubag* sa gikapoy pinaagig hustong pulong.*+
Ginapukaw ko niya kada buntag;Ginapukaw niya ang akong igdulungog aron maminaw sama sa mga tinudloan.+
5 Gibuksan sa Soberanong Ginoong Jehova ang akong igdulungog,Ug ako wala magmasukihon.+
Wala ko moliko sa sukwahing direksiyon.+
6 Gitahan nako ang akong bukobuko sa mga nagbunal kanako,Ug ang akong mga aping niadtong mga nag-ibot sa bungot.
Wala nako itago ang akong nawong gikan sa mga pakaulaw ug sa pagluwa.+
7 Apan ang Soberanong Ginoong Jehova motabang nako.+
Mao nga dili ko mobating gipakaulawan.
Mao nga gipagahi nako ang akong nawong sama sa batong santik,+Ug nahibalo ko nga dili ko maulawan.
8 Ang Usa nga nagpahayag kanako nga matarong ania sa duol.
Kinsay makaakusar* kanako?+
Mag-atubangay ta.
Kinsay dunay kaso batok kanako?
Paduola siya kanako.
9 Tan-awa! Ang Soberanong Ginoong Jehova motabang kanako.
Kinsay magpahayag kanakong sad-an?
Tan-awa! Silang tanan mangadunot samag besti.
Kutkoton sila sa insekto.
10 Kinsa kaninyo ang may kahadlok kang JehovaUg namati sa tingog sa iyang alagad?+
Kinsay naglakaw sa grabeng kangitngit, nga walay bisan unsang kahayag?
Pasaliga siya sa ngalan ni Jehova ug pasandiga siya sa iyang Diyos.
11 “Tan-awa! Kamong tanan nga naghaling ug kalayo,Nga nagpalupad sa aligato,Lakaw sa kahayag sa inyong kalayo,Taliwala sa mga aligato nga nanglupad.
Kini ang inyong madawat gikan sa akong kamot:
Kamo manghigda sa tumang kasakit.
Mga Footnote
^ Literal, “pinaagig usa ka pulong.”
^ O posible, “pagpalig-on.”
^ O “dila nga nabansay pag-ayo.”
^ O “makiglalis.”
