Proverbio 14:1-35
14 Ang babayeng tinuod nga maalamon nagpalig-on sa iyang balay,+Apan ang buangbuang naglumpag niana pinaagi sa iyang mga kamot.
2 Ang nagsubay sa matarong nga dalan nahadlok kang Jehova,Apan ang tawong malimbongon* nagtamay Kaniya.
3 Ang mapahitas-ong sinultihan sa buangbuang morag bunal,Apan ang mga ngabil sa mga maalamon manalipod nila.
4 Kon walay baka hinlo ang pasungan,Apan tungod sa kusog sa torong baka dagaya ang abot.
5 Ang matinumanong saksi dili mamakak,Apan ang bakakong saksi magsigeg pamakak.+
6 Ang mabiaybiayon nangitag kaalam apan wala siyay makaplagan,Apan para sa tawong may pagsabot, ang kahibalo dali rang makit-an.+
7 Palayo sa tawong buangbuang,Kay wala kay makuhang kahibalo gikan sa iyang mga ngabil.+
8 Pinaagi sa kaalam masabtan sa maalamon kon asa siya paingon,Apan ang mga buangbuang malimbongan* sa ilang mga kabuang.+
9 Kataw-an ra sa mga buangbuang ang ilang sala,*+Apan ang mga matul-id andam makig-uli.*
10 Ang kasingkasing nahibalo sa iyang kasakit,Ug walay laing makaambit sa kalipay niini.
11 Ang balay sa mga daotan laglagon,+Apan ang tolda sa mga matul-id mouswag.
12 Naay dalan nga morag husto para sa usa ka tawo,+Apan kamatayon diay ang dulnganan niana.+
13 Bisag nagkatawa, ang kasingkasing posibleng naa sa kasakit,Ug ang pagsadya puwedeng mosangko sa kaguol.
14 Ang daotag kasingkasing moani sa sangpotanan sa iyang mga dalan,+Apan ang maayong tawo moani sa ganti sa iyang binuhatan.+
15 Ang inosente* motuo sa tanan niyang madunggan,Apan ang maalamon mamalandong sa matag lakang.+
16 Ang maalamon mag-amping ug mopalayo sa daotan,Apan ang buangbuang kompiyansa kaayo ug magpasagad lang.*
17 Ang tawong masuko dayon makahimog kabuangan,+Apan ang tawong maghunahuna pag-ayo* gidumtan.
18 Ang inosente* makapanunod ug kabuangan,Apan ang mga maalamon gikoronahag kahibalo.+
19 Ang mga daotan moyukbo atubangan sa mga maayo,Ug ang tawong grabe ka daotan moyukbo sa ganghaan sa matarong.
20 Ang pobre dumtan bisan sa iyang mga silingan,+Apan ang dato daghag higala.+
21 Ang nagtamay sa iyang isigkatawo nakasala,
Apan malipayon ang nagpakitag kaluoy sa mga pobre.+
22 Dili ba masaag man kadtong nagplanog kadaot?
Apan kadtong nagtinguha sa paghimog maayo makadawat ug maunongong gugma ug pagkamatinumanon.+
23 Ang tanang paghago naay kaayohan,Apan kon puro estorya kawalad-on ang resulta.+
24 Ang korona sa mga maalamon mao ang ilang bahandi;Apan ang binuang sa mga buangbuang moresultag dugang kabuangan.+
25 Ang matuod nga saksi nagluwas ug mga kinabuhi,Apan ang malimbongon magsigeg pamakak.
26 Ang tawo nga nahadlok kang Jehova mosalig kaniya sa tanang butang,+Ug ang iyang mga anak makakitag dangpanan.+
27 Ang pagkahadlok kang Jehova maoy tuboran sa kinabuhi,Aron ilikay ang usa ka tawo gikan sa mga lit-ag sa kamatayon.
28 Ang daghang katawhan mao ang himaya sa hari,+Apan ang magmamando nga walay sakop malaglag.
29 Ang tawong dili daling masuko nagpakitag katakos sa pag-ila,+Apan ipakita sa tawong walay pailob nga buangbuang siya.+
30 Ang kalmadong kasingkasing makaayo* sa lawas,Apan ang pagselos makadunot sa kabukogan.+
31 Kadtong nanikas sa makaluluoy nag-insulto sa iyang Magbubuhat,+Apan kadtong nagpakitag kaluoy sa pobre naghimaya Kaniya.+
32 Ang daotan mapukan tungod sa iyang pagkadaotan,Apan ang matarong mapanalipdan tungod sa iyang integridad.+
33 Ihilom sa tawong may pagsabot* ang iyang kaalam,+Apan ipanghambog sa buangbuang ang iyang nahibaloan.
34 Ang pagkamatarong magbayaw sa usa ka nasod,+Apan ang sala kaulawan sa katawhan.
35 Ang hari malipay sa alagad nga nagagawi uban ang lawom nga pagsabot,+Apan masuko siya sa naghimog kaulawan.+
Mga Footnote
^ O “daotan.”
^ O posible, “manglimbong sa uban pinaagi.”
^ O “ang pagpakig-uli.”
^ O “dunay maayong relasyon.”
^ O “walay kasinatian.”
^ O “ug masuk-anon.”
^ O “tawong may katakos sa panghunahuna.”
^ O “walay kasinatian.”
^ O “makahatag ug kinabuhi.”
^ Literal, “sa kasingkasing sa usa nga may pagsabot.”
