Salmo 54:1-7
-
Pag-ampo alang sa tabang batok sa mga kaaway
-
“Ang Diyos ang akong magtatabang” (4)
-
Ngadto sa direktor; duyogan sa dekuwerdas nga mga instrumento. Maskil.* Salmo ni David, dihang ang mga Ziphanon miabot ug miingon kang Saul: “Si David nagtago didto sa amoa.”+
54 Oh Diyos, luwasa ko pinaagi sa imong ngalan,+Ug depensahi ko*+ pinaagi sa imong gahom.
2 Oh Diyos, dungga ang akong pag-ampo;+Tagda ang mga pulong sa akong baba.
3 Kay ang mga estranyo mibatok kanako,Ug ang pintas nga mga tawo nagtinguha sa akong kinabuhi.+
Wala silay pagtagad sa Diyos.*+ (Selah)
4 Tan-awa! Ang Diyos ang akong magtatabang;+Si Jehova kauban niadtong mga nagatabang kanako.
5 Ipahinabo niya sa akong mga kaaway ang ilang gihimong daotan;+Laglaga* sila tungod sa imong pagkamatinumanon.+
6 Kinabubut-on kong maghalad kanimo.+
Akong dayegon ang imong ngalan, Oh Jehova, kay kini maayo.+
7 Kay iya kong giluwas gikan sa tanang kasakit,+Ug tan-awon nako ang kapildihan sa akong mga kaaway.+
Mga Footnote
^ O “labani ang akong kawsa.”
^ O “Wala nila ibutang ang Diyos sa ilang atubangan.”
^ Literal, “Pahiloma.”
