“Malaglag ba sa Tawo Kining Yutaa?”

● Kon tan-awon gikan sa wanang, ang planetang Yuta nahisamag matahom nga asul ug putig kolor nga mahalong bato. Apan kon tan-awon sa duol, kining atong pinuy-anan may diperensiya. Ngano? Simple lang ang tubag: Ang mga tawo dili maayong mga molupyo niini. Dugang pa, ilang ginadaot ang Yuta dili lamang pinaagig polusyon, pagpamuril sa mga lasang, ug sa pagpahimulos niini kondili ginadaot usab pinaagig kapintasan, pagpamatay, ug seksuwal nga imoralidad.

Kining makasubo nga kahimtang gitagna mga duha ka libo ka tuig kanhi diha sa katingalahang mga tagna nga narekord sa Bibliya. (2 Timoteo 3:1-5; Pinadayag 11:18) Ang Bibliya nagtagna usab nga ang Diyos—dili ang tawo—ang bug-os makatul-id niining mga butanga. Kini maoy hisgotan sa pakigpulong publiko nga “Malaglag ba sa Tawo Kining Yutaa?” Ang pakigpulong ipahayag sa “Paanhia ang Gingharian sa Diyos!” nga Distritong Kombensiyon sa mga Saksi ni Jehova, nga nagsugod sa bulan sa Mayo didto sa Amerika ug nagpadayon sa tibuok kalibotan.

Ikaw among gidapit sa pagtambong sa kombensiyon nga duol sa imong dapit. Alang sa mga detalye, palihog kontaka ang mga Saksi ni Jehova sa imong dapit o pagsulat sa mga magpapatik niining magasina. Makita diha sa Web site nga www.mt1130.com ang mga dapit sa kombensiyon sa Pilipinas.